Michael Elmentaler

Michael Elmentaler (* 22. Februar 1965 in Duisborg) is een düütschen Germanist un Perfesser för nedderdüütsche Philologie an de Christian-Albrechts-Universität to Kiel.

Leven un Karriere

Michael Elmentaler is den 22. Februar 1965 in Duisborg op de Welt kamen. He studeer vun 1984 bet 1989 Germanistik, Philosophie un Politikwetenschop an de Universität Duisborg-Essen. Vun 1989 bet 2003 weer he as wetenschoplich Assistent in’n Fack Germanistik an de Universität Duisborg anstellt. 1994 kreeg he in Duisburg-Essen mit de Arbeid Logisch-semantische Studien in der Grammatik des frühen 19. Jahrhunderts. Untersuchungen zur Kategorienlehre von Simon Heinrich Adolf Herling sienen Dokter. In’n Sommer 2000 het Elementaler an de Radboud-Universität Nimwaege leert.

2002 kreeg he an de Universität Duisborg-Essen siene Habillitatschoon mit ene Arbeid över’t Thema Studien zur Struktur und diachronischen Entwicklung historischer Schreibsprachen des 14. bis 17. Jahrhunderts. Vun 2003 bet 2006 weer he Hoogschooldozent an’n germanistschen Seminar vun de Universität Bonn. Sied 2006 leert Elmentaler as Perfesser för düütsche Spraakwetenschop mit den Swaarpunkt för Nedderdüütsche Philologie an de Universität Kiel.

De Swaarpunkten in sienen Ünnersöök sind de nedderdüütsche Spraakwetenschop, de Dialektologie un Substandardünnersöök, die histoorsche Graphematik (Schrievsprakenünnersöök) un de Historiographie vun de Spraakwetenschop. Sied 2017 is Elmentaler Vöörsitter vun’n Verein für niederdeutsche Sprachforschung.

Schriften

Monografien

• Struktur und Wandel vormoderner Schreibsprachen (= Studia linguistica Germanica. Bd. 71). de Gruyter, Berlin 2003, ISBN 3-11-017853-2.
• Logisch-semantische Studien in der Grammatik des frühen 19. Jahrhunderts. Untersuchungen zur Kategorienlehre von Simon Heinrich Adolf Herling(= Reihe Germanistische Linguistik. Bd. 160). Niemeyer, Tübingen 1996, ISBN 3-484-31160-6.

As Ruutgever

• Deutsch und seine Nachbarn. Lang, Frankfort an’n Main u. a. 2009, ISBN 978-3-631-58885-7.
• Regionalsprachen, Stadtsprachen und Institutionssprachen im historischen Prozess (= Schriften zur diachronen Sprachwissenschaft. Bd. 10). Ed. Praesens, Wien 2000, ISBN 3-7069-0070-X.

Nettverwiesen

• Publikatschonen vun Michael Elmentaler in de Opac vun de Regesta Imperii
• Sied vun Elmentaler an de Universität Kiel