Middelgambit

Dat Middelgambit nah 3. Dd1xd4

Bi dat Middelgambit hannelt sück dat um en Anspeel in’t Schachspeel. Dat tellt to de Apen Spelen un is in de ECO-Codes ünner den Slöötel C22 klassifizeert.

In öller Schachpublikationen is ok de Beteknung „Middelspeel“ statt „Middelgambit“ antodrapen. Diss Beteknung is aber in dat Schachvokabular mehrdüüdig: Middelspeel betekend ok de Speelphase nah dat Anspeel. In de Schachliteratur hett sück intüschen de Beteknung „Middelgambit“ dörsett, ofschons Witt in de Hööftvariante nah 3. Dd1xd4 kien Buer opfert un dordör jüst kien Gambit speelt. Echt Gambitvarianten entstaht nah 3. c2-c3 oder, selten antodrapen, 3. f2-f4.

Dat Middelgambit is kenntekent dör de Tüüg:

1. e2-e4 e7-e5 2. d2-d4 e5xd4

Hööfttvarianten

Nah 2. ... e5xd4 sünd folgend Hööftfortsetzungen bekannt:

• 3. Dd1xd4 (kiek Diagramm) Sb8-c6
  • 4. Dd4-a4 (Skandinaavisch Verteidigung mit vertuuscht Farven un Mehrtempo)
  • 4. Dd4-e3 (De Hööftvariante vun dat Middelgambit)
    • 4. ... Lf8-b4+
    • 4. ... Sg8-f6
    • 4. ... g7-g6
• 3. f2-f4?! (Dat Halasz-Gambit)
• Nah 3. Sg1-f3 geiht dat Speel in anner Anspelen över:
  • 3. ... Lf8-c5 oder 3. ... Sb8-c6 (Schottisch Partie)
  • 3. ... d7-d6 (Philidor-Verteidigung)
  • 3. ... Sg8-f6 (Russisch Verteidigung)
  • 3. ... Lf8-b4+
• Nach 3. c2-c3 geiht de Partie in dat Noordisch Gambit över.

Literatur

• Alexei Suetin: Russisch bis Königsgambit. 2. Opl. Sportverlag, Berlin 1989, ISBN 3-328-00270-7