Miss Congeniality
Miss Congeniality (op Platt so veel as „Fro Seelenverwandschop“; dt. Titel: Miss Undercover) is en US-amerikaansche Filmkummedie vun Donald Petrie ut dat Johr 2000. Sandra Bullock speelt dorin en burschikose Agentin vun’n FBI, de as Deelnehmerin in en Misswahl inslüst warrt.
| Filmdaten | |
|---|---|
| Plattdüütsch Titel: | — |
| Originaltitel: | Miss Congeniality |
| Düütsch Titel: | Miss Undercover |
| Produkschoonsland: | USA |
| Johr vun’t Rutkamen: | 2000 |
| Läng: | 109 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Donald Petrie |
| Dreihbook: | Marc Lawrence Katie Ford Caryn Lucas |
| Produkschoon: | Bruce Berman Sandra Bullock |
| Musik: | Ed Shearmur |
| Kamera: | László Kovács |
| Snitt: | Billy Weber |
| Szenenbild: | Peter S. Larkin |
| Kledaasch: | Susie DeSanto |
| Dorstellers | |
| |
Inholt
ännernDe FBI-Agentin Gracie Hart is al siet ehr Kinnertiet en unbequeme Person, de vun de klassischen Oort vun de de Fronslüüd un Deerns nich veel hollt. As een Dag en Polizeiinsatz scheef löpt, wiel se sik un ehr Temperament nich in’n Toom hett un in’n Naklapp en Kolleeg anschaten warrt, schient ehr Karriere bi de Bundspolizei eerstmol ganz wiet ünnern to wesen.
As en Bombenlegger, de sik „Citizen“ nöömt, dormit draut, en Anslag op de Wahl to’n Schönheitswettstriet Miss United States to maken, warrt de Plaan maakt, en Agentin vun’n FBI bi de Wahl intoslüsen un ünner de Kandidaten to smuggeln. De Tofall will dat, dat Gracie de eenzige is, de in Fraag kumt. Se will dat an sik gor nich un ok ehr Bass harr ehr lever suspendeert sehn, liekers warrt de Agentin bi de Verantwoortliche Kathy Morningside vörstellt. Se schickt Gracie erstmol na den Model-Oppasser Victor Melling, üm ehr för den Wettstriet torecht to bögen. De sütt toeerst keen Hapen, ut ehr en Model to maken, kriggt dat denn aver jüst so even noch torecht mit ehr.
Ünnerstütt un vun en FBI-Koppel reist Gracie as „Miss New Jersey“ na Austin, Texas, un warrt in de ehr völlig frömde Welt un duersom grinsende Schönheiten in Bikinis inföhrt. Anfangs hollt se de Deerns för ’n beten ünnerbelicht un maakt sik lustig över jem vun wegen den ganzen Kram, den se sik gefallen laat. Man, mit de „Miss Rhode Island“, Cheryl Fraser, frünnt se sik teemlich gau an, wieldat se mit de annern nich so goot torecht kumt. Na un na arbeidt Gracie sik dör de Opgaven un stridd sik afwesselnd mit Victor un ehrn Kollegen Eric rüm.
De „Citizen“ warrt opletzt fangen nahmen, aver Gracie is nich dorvun övertüügt, dat de Draubreef överhööft vun’n „Citizen“ schreven worrn is. Se hett veelmehr Kathy Morningside in Vedacht, de an’n End vun de Saison in’n Rohstand schickt warrn schall. Gracies Baas will dorvun natürlich nix weten un ordert ehr torüch, aver de Agentin lett sik nich beirren. Se gifft ehr Deenstwapen un -mark af un maakt sik op egen Fust vör de Afslussveranstalten klor.
Dor warrt Cheryl opletzt to de „Miss America“ benöömt, worop Morningside un ehr tutige Söhn versökt ehr mit en Bomb in de Miss-Kroon ümtobringen. In de letzten Sekunn kann Gracie dat verhinnern, wobi se Help kriggt vun Eric un Victor. Opletzt gifft Eric un Gracie to, dat se wat förenanner föhlt un Gracie warrt vun de annern to de „Miss Congeniality“ wählt, de Deelnehmerin, de de annern an’n leevsten hebbt.
Achtergrund
ännernIn en witzige, sülvstironische Nevenrull as Moderater un Präsenteerer vun de Wahlen Stan Fields is William Shatner to sehn, de sik as „Captain Kirk“ en groten Naam maakt hett.
In den Kinotrailer weer en Szeen mit Gracie un ehr Vadder (speelt vun Edward Herrmann) to sehn, wo he ehr fraagt, of se lesbisch is. Se lacht dorop anstrengt un seggt, dat se sik wünschen de, dat dat so eenfach weer. In’n Film kumt de Szeen nich vör, warrt aver in’n Bonus-Material vun de DVD wiest.
In Düütschland is de Film ünner den Titel Miss Undercover rutkamen. Dat weer maakt, wieldat dat Woort „congeniality“ (Charme, Seelenverwandschap) in Düütschland veel weniger bekannt is as „undercover“.
Utteken
ännernDe Film is 2001 mit söven Filmpriesen uttekent worrn un weer ünner annern för twee Golden Globes nomineert. Wunnen hett de Film:
- den American Comedy Award in de Kategorie lustigste Dorstellerin för Sandra Bullock.
- den BMI Film Music Award för den Soundtrack vun Ed Shearmur.
- den Blockbuster Entertainment Award in de Kategorie Geern sehnste Dorstellerin – Kummedie för Sandra Bullock.
- den Blockbuster Entertainment Award in de Kategorie Geern sehnsten Nevendorsteller – Kummedie för Benjamin Bratt.
- den Bogey Award
- den Teen Choice Award – Film - Choice Comedy
- den Teen Choice Award – Film - Choice Wipeout
Kritik
ännernLexikon vun’n internatschonalen Film: Mischung aus Komödie und Kriminalfilm, die vor allem dank der gut aufgelegten Hauptdarstellerin unterhält. Insgesamt bietet er freilich nur wenige komische Szenen, weil er sich weitgehend espritlos auf das altbekannte Thema vom "hässlichen Entlein" sowie auf die Struktur von Shakespeares "Der Widerspenstigen Zähmung" verlässt.[1].
Prisma Online: In dieser recht albernen Krimikomödie beweist Sandra Bullock immerhin, dass sie durchaus komisches Potential besitzt. Leider kann sie ihren Drang zum Over-Acting auch hier nicht zügeln. Wäre nicht ein alles überragender Michael Caine als Benimm-Trainer und Schönheitsmacher, man könnte diesen Film eigentlich schnell vergessen.[2]
Wietere Deel
ännernMit Miss Congeniality 2 is de Geschicht 2005 in de Kinos wieter gahn. An den Spood vun den eersten Deel künn de tweete nich rankamen. De Grund dorför weer vun de meisten Kritikers in de swacken Geschicht sehn, sünners aver ok in dat Fehlen vun Michael Cain, de mit sien Rull Victor Melling as een vun de Highlights vun’n eersten Deel gellt.
Bornen
ännernWeblenken
ännern- Miss Congeniality in de Internet Movie Database (engelsch)
- Filmkritik op Rotten Tomatoes