Mnemosyne (Mythologie)

Mnemosyne (greeksch Mνημοσύνη; vun μνήμη mnēmē, „Gedächtnis“; vergliek lat.: memoria) is en Göddin ut de Greeksche Mythologie.

Verwandtschop ännern

 
Giulio Romano: Apoll un de negen Musen

Mnemosyne höört to de Titanen to. Se is den Uranos un de Gaia ehre Dochter. Se warrt as Göddin vun dat Gedächtnis un dat Sik-Besinnen ankeken.

Mythos ännern

Hesiod vertellt, dat Mnemosyne de Mudder vun de negen Musen is. De hett se tohopen mit Zeus harrt, den siene Leevste se weer. Se hett de Musen in Pierien an den Olymp up'e Welt bröcht. Hesiod vertellt, dat Mnemosyne un Zeus negen Nachten lang wietaf vun de annern Gödder, tohopen ween sünd. In öllere Geschichten vör Hesiod gifft dat faken bloß dree Musen, de se to'e Welt bröcht hebben schall. De weert hen un wenn ok „Mneiai“ nömmt, wat bloß de Mehrtall vun ehre Mudder ehrn Naam is.

Mnemonik un Mnemotechnik ännern

Vun Mnemosyne oder vun ehre Dochter Mneme (dat is een vun de dree Musen vör Hesiod) hefft de Mnemonik un de Mnemotechnik ehrn Naam vun. Mnemonik is de „Gedächtniskunst“ (lat.: ars memoriae) un Mnemotechnik sünd de Techniken, de binnen de Gedächtniskunst bruukt weert.