Mneme (greeksch Μνήμη, „dat Besinnen“) is en vun de dree Musen, de dat in de Greeksche Mythologie toeerst geven hett. Later (bi Hesiod) sünd dor denn negen vun wurrn.

Mythos ännern

Mneme is de Muse vun dat Besinnen. Ehre Süstern sünd Aoide (de Musik ehre Muse) un Melete (de Muse vun de Meditatschoon un dat praktische Doon). All tohopen sünd se Göddinnen. Se sünd Döchter vun Zeus un siene Leevste Mnemosyne. Mit Mnemosyne draff Mneme nich dör'nanner smeten weern, Mnemosyne is en Titansche un de Mudder vun al Musen.

Astronomie ännern

Vun Mneme hett ok den Jupiter sien Maand Mneme sien Naam kregen. Düsse Maand is eerst 2003 updeckt wurrn un hett toeerst den Naam S/2003 J 21 harrt.

Mnemonik un Mnemotechnik ännern

Vun Mneme oder vun ehre Mudder Mnemosyne (dat is een vun de dree Musen vör Hesiod) hefft de Mnemonik un de Mnemotechnik ehrn Naam vun. Mnemonik is de „Gedächtniskunst“ (lat.: ars memoriae) un Mnemotechnik sünd de Techniken, de binnen de Gedächtniskunst bruukt weert.