Morten Ågheim (* 20. Juli 1980; † 8. Juni 2017 in Mo i Rana[1]) weer en norweegsch Skispringer.

Werdegang ännern

Ågheim is eerstmals in‘ November 1997 in‘ Skisprung-Weltcup antreeden un kunn glieks en 22. Rang beleggen. In den wiederen Verloop van de Saison 1997/98 kreeg he noch eenige wiedere Weltcupinsätze, kunn sück aber eerst in de Folgesaison 1998/99 in dat norweegsch Weltcupteam fastsetten. Disse Saison sull ok sien spoodriekste in'n Weltcup wurrn. He kunn sück mehrfack ünner de best Teihn platzeeren un verpass an'n 20. Dezember 1998 in Harrachov mit en veerten Platz dat Podest blots knapp. An dat Enn van de Saison belegg he Platz 16 in‘ Gesamtweltcup. In de nächst Saison 1999/2000 gung dat mit sien Form bargdaal un he muss immer um den Intoog in den tweeten Dörgang kämpen. In‘ Sömmer 2000 nehm he eerstmals an‘ Sömmer-Grand-Prix deel, reck aber blots bi dat Springen an'n 14. August 2000 in Courchevel den tweeten Dörgang. De Weltcupsaison 2000/01 verleep för Ågheim ähnlich spoodlos as de vörhergahnde. In de Saison 2001/02 is he blots noch in eenig Springen van den Continental Cup antreeden un hett dornah sien Loopbahn afslooten.

Enkeld Nahwiesen ännern

  1. Morten Ågheim albertsens.vareminnesider.no, afropen an‘ 14. Juni 2017

Weblenken ännern