Mrs. Doubtfire
| Filmdaten | |
|---|---|
| Plattdüütsch Titel: | — |
| Originaltitel: | Mrs. Doubtfire |
| Düütsch Titel: | Mrs. Doubtfire |
| Produkschoonsland: | USA |
| Johr vun’t Rutkamen: | 1993 |
| Läng: | 120 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Chris Columbus |
| Dreihbook: | Randi Mayem Singer, Leslie Dixon |
| Produkschoon: | Mark Radcliffe, Marsha Garces Williams Robin Williams |
| Musik: | Howard Shore |
| Kamera: | Donald M. McAlpine |
| Snitt: | Raja Gosnell |
| Szenenbild: | Angelo P. Graham |
| Kledaasch: | Marit Allen |
| Dorstellers | |
| |
Mrs. Doubtfire (op Platt so veel as „Fro Doubtfire“) is en US-amerikaanschen Filmkummedie ut dat Johr 1993 mit Robin Williams, Sally Field un Pierce Brosnan in de Hööftrullen.
Inholt ännern
De Schauspeler un Synchroonsnacker Daniel Hillard warrt vun sien Fro Miranda op de Straat sett, as he eenmol mehr sien Job hinsmitt un bi de Geboortsdagsfier vun sien Jung Christopher dat Huus in en Slachtfeld verwannelt. Vör Gericht warrt de Fall verhannelt un Miranda kriggt dat Sorgerecht tospraken.
In de Utsicht, sien Kinner blots eenmol in de Week ünner Opsicht sehn to künnen, bewarft he sik as Kinnerfro bi sien Exfro, üm fakener Tiet mit jem tobringen to künnen. Bi sien Plan hülpt em sien Broder, de as Maskenbillner arbeidt un för em en vullkamen Verkleden vun en sösstigjohrige Fro maakt – Mrs. Doubtfire even. Sien egen Talent as Stimmennamaker makkt den Rest.
Dat Unheel nimmt sien Lopp, as Sien Ex op den Schwinnel rinfallt. Daniel arbeidt verkleedt as Mrs. Doutfire een poor Maanden as Huushollerin un Kinnerdeern bit de Maskeraad een’n Dag opflüggt, as Daniel de Maske verrutscht. Dat passeert as he versocht, gliektietig mit sien Ex un de Kinner nevst ehr’n niegen Leefsten Stuart un mit sien mööglichen niegen Arbeitsgever Jonathan Lundy Eten to gahn. As de Saak rutkummt is Miranda afsluut suer. Vör Gericht kriggt se nu endgültig dat Sorgerecht.
Eerst as Daniel bi Mr. Lundy en eegen Fernsehsenden kriggt, in de he as „Mrs. Doubtfire“ speelt, un he sik in sien Rull as Huusmann torecht finnen deit, kann sik Miranda överwinnen, em üm jemehr Kinner willen trotz den Striet en gemeensam Sorgerecht antobeden.
Naamsfinnen ännern
De Naam „Doubtfire“ ensteiht in’n Film, as Daniel sik an’n Telefon bi Miranda üm de Steed as Huusholtshülp bewarft un he sik op een mol en Naam utdenken mutt. He kiek üm sik sik un findt en Dagblatt, woneem de Opmaker „Police doubt fire was accidental“ (översett so veel as: „Polizei twiefelt, dat dat Füer ut Versehens utbroken is“) – en Woortspeel, dat nich goot to Översetten güng un dorüm in de düütsche Faten bibehollen worrn is.
Utteken ännern
Mrs. Doubtfire is mit negen Filmpriesen uttekend worrn un weer noch för en poor mehr nomineert. De Utteken weern:
- 1994: De Oscar för Greg Cannom, Ve Neill un Yolanda Toussieng in de Kategorie Best Make-up.
- 1994: De Golden Globe as Besten Film in de Rubrik Kummedie/Musical.
- 1994: De Golden Globe för Robin Williams in de Kategorie Best Schauspeler – Kummedie/Musical
- 1994: De ASCAP Award för Howard Shore för sien Filmmusik.
- 1994: De American Comedy Award för Robin Williams as Lustigste Hööftdorsteller.
- 1994: De MTV Movie Award för Robin Williams för de Beste Kummedie-Dorstellen
- 1994: De Golden Lienwand för den Spood in de Kinos.
- 1994: De People’s Choice Award för de Leefste Filmkummedie.
- 1995: Dat Sülvern Band vun de Sindacato Nazionale Giornalisti Cinematografici Italiani för Carlo Valli för de Best Synchronisatschoon op Italiensch.
Websteden ännern
- Mrs. Doubtfire in de Internet Movie Database (engelsch)