Musseln
Musseln (Bivalvia) sünd kopplose Weekdeerten in harte Schalen, de dör Sluutmuskeln slaten weern köönt. Ene scharneeroordige, hurnige Huut, dat Slottband, hollt de beiden Schalen tosamen.
| Musseln | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Bivalvia | ||||||||
| Linnaeus 1758 |
De wieke Körper is an de Buuksiet as en Foot utbillt, up den de Mussel sik bewegen kann. In den anspöölten Teek an’n Noordseestrand sünd vele verschedene Musseloorden to finnen. Faken kaamt vör de Mies-, Hart-, Sand-, Trog- un Pepermusseln. De Miesmusseln sünd 6 bet 8 cm groot, seht blau ut un leevt dicht ünner den Sietwaterstand. De Foot scheed en Sekreet ut, mit dat sik dat Deert an ene Unnerlaag fastkitten deit. Miesmusseln weert as Spiesmusseln hannelt. Ene smackhafte Mussel is de Ööster. Se leevt blots up schlickfre’en, fasten Grund un is an de Unnerlaag fastwussen. Bit 1925 geev dat ok an de noordfreeschen Inseln noch Öösterbänk. De eenzige, de dat dar noch gifft, is up Sylt. In een Jahr weert dar so um de ene Million Ööstern verkofft. Vundaag weert de Ööstern tomehrst in Öösterparks an de Küst von de Middellannsche See tücht un as düre Delikatess in’n Hannel brocht.
- Ünnerklass Protobranchia
- Ünnerklass Pteriomorphia - Ööstern
- Ünnerklass Paleoheterodonta - Musseln
- Ünnerklass Heterodonta - Venus-, Zebramusseln
- Ünnerklass Anomalosdesmata