Nancy Wilson (Jazzsingerin)
Nancy Sue Wilson (* 20. Februar 1937 in Chillicothe, Ohio; † 13. Dezember 2018 in Pioneertown, Kalifornien) weer en US-amerikaansch Singersche un mehrfak Grammy-Priesdrägerin.
Leven ännern
Nancy Wilson fung hör Karriere as Singersche in Jazzclubs in de Ümgegend vun Columbus (Ohio) in de 1950er Johren an. Hör eerst Schallplatten nehm se Enn’ vun de 1950er Johren up. In de 1960er Johren wurr se to en vun de populärst Jazzsingerinen un kreeg sogor en eegen Feernsehshow, wo se över de Grenzen vun den Jazz ok Popsongs sung. Dormit wurr se denn noch beliebter. 1964 wurr se för hör Interpretation vun „How Glad I Am“ mit en Grammy för de best Gesangsleistung in’ R&B-Beriek uttekend. Se is tosommen mit Nat King Cole un Sarah Vaughan in Konzerten uptreden. För hör Nancy Wilson Show kreeg se en Emmy Award un weer ok faken Gast in anner Shows. Buterdem is se ok regelmatig in Las Vegas uptreden.
As de Popularität vou Personalityshows afnehm, kehr se in de 1980er Johren torüch to’n Jazz un hett mit Musikers as Hank Jones, Art Farmer oder Henry Johnson arbeit. Nancy Wilson nimmt regelmatig nee CDs up, toletzt Music for Lovers för Blue Note Records. För hör Album Turned to Blue (2006) kreeg se 2007, as ok all 2005 för R.S.V.P. (Rare Songs, Very Personal) den Grammy för dat best Vokalalbum in’ Jazz.
Wilson hett van 1996 bit 2005 de NPR-Show Jazz Profiles modereert. In de Reeg wurrn Legenden van den Jazz un hör Musik in Interviews, Kommentaren un Berichten vörstellt. Nancy Wilson un dat Programm kreegen för de Produktschon den George Foster Peabody Award in dat Johr 2001. Af 2011 is se nich mehr uptreeden.
Nancy Wilson is in'n Dezember 2018 nah lang Krankheit to Huus in Pionieertown in Kalifornien, en Wüstengemeend dicht bi dat Joshua-Tree-Nationalpark storven.[1]
Ehrungen ännern
2004 kreeg se dat NEA Jazz Masters Fellowship vun de staatlich NEA-Stiftung.
Weblenken ännern
Enkeld Nahwiesen ännern
- ↑ Andrew Dalton, Hillel Italie: Nancy Wilson, Grammy winning jazz singer, dies at 81. In: AP News. 14. Dezember 2018 (engelsch, Nahroop).