Nedderslag

Nedderslag warrt in de Meteorologie Water, mit allens, wat dor an annere Stoffe in sitten deit, nömmt, wenn dat ut Wulken, Daak oder Smook (dat sünd beides Wulken in Kuntakt mit de Eer) stammen deit oder ut hoge Luftfuchtigkeit (Luft, de vullsitten deit mit Waterdamp), un wenn dat

• vunwegen de Swaarkraft natt oder in faste Form up de Eer fallt
• oder vun'n Wind upküselt oder hoochböört warrt
• oder sik up de Eer afsetten oder dor affleten deit
• oder wenn sik dat in faste Form ut (ieskolen) Water as Ies an Uppersieten ansetten deit
• oder wenn dat as Beslag dör Kondensatschoon oder Resublimatschoon direktemang an Objekte afsetten deit.

Nedderslag na Maand

Allerhand Aarden vun Nedderslag

Dat gifft „natten“ un „drögen“ Nedderslag:

• Natten Nedderslag:

Regen, Iesregen, Druppen fallt hendal.

Slagregen warrt hoochweiht un upküselt.

Regenputten, Regenwater, Sneesmelten sett sik af oder fleet af.

Dau sett sik an as Beslag.

• Drögen Nedderslag:

Snee, Hagel, Ieskoorn fallt hendal.

Sneestorm, Blizzard, Sneedrieven weert hoochweiht un upküselt.

Sneebarge, Moddersnee, Sneedecken sett sik af.

Ruugfrost, Glatties, Iesjökels sett sik an.

Wie Nedderslag tostanne kummt

Dör Verdampen un Sublimatschoon kummt Waterdamp in de Atmosphäre. Dör Kondensatschoon vun de Fuchtigkeit in de Luft kaamt Kondensatschoonskieme tostanne. Dor wasst denn Wulken ut. Wenn de Waterdruppen as Nedderslag up de Eer fallen könnt, mütt se groot un swaar noog ween. Dör den Nedderslag kummt en Waterkreisloop tostanne.

Wat de Nedderslag bedüden deit

Wie veel un wie faken dat Neddersläge gifft, is en sunnerlich Kennteken for all Regionen up'e Eer. Dor deit de Nedderslag dat lokale Klima bi mitbestimmen. Sunnerlich for de Bueree speelt he en grote Rull, vunwegen datt Regenfeldboo eerst mööglich is, wenn en sunnerliche Masse Nedderslag fallen deit. An en Ökozone kann een meist groff sehn, wie veel Nedderslag dor fallt.