De Nesshoff (hoochdüütsch Nesshof) is en Hoff in de Gemeen Gauderhandviddel (Samtgemeen Lüh) in’n Landkreis Stood, Neddersassen. De Hoff weer fröher en Eddelgood.

Geografie ännern

De Hoff liggt in de twete Miel von Oolland direkt an dat Över von de Lüh, de hier en Bagen maakt.

Historie ännern

De Nesshoff weer bet 1632 Besitt von dat Klooster Harsfeld. In dat Johr hett de Bremer Arzbischop Johann Friedrich dat Good tohoop mit annern Besitt von dat Klooster Harsfeld an Johann Adler Salvius afgeven, de ut düssen Besitt de Herrschop Harsfeld billt hett. Nadem Salvius 1652 doodbleven is, güng de Herrschop Harsfeld un dormit ok de Nesshoff an Pierre Bidal över.

En Siedestgericht op’n Nesshoff is von dat 16. Johrhunnert bet in de Franzosentied nawiest. Dat is to Anfang von dat 19. Johrhunnert oplööst worrn.

In dat 19. Johrhunnert weer de Familie Bey Besitter von’n Nesshoff. Claus Bey harr aver keen Kinner. Dorüm hett he Metta Schliecker adopteert, de 1847 Hinrich Pickenpack freet hett. Na Claus Bey sien Dood hett de Hoff dorüm de Familie Pickenpack tohöört.

In’n März 1896 is dat Haupthuus von’n Hoff afbrennt. En neet Huus is 1897 trech worrn.

Op’n Hoff gifft dat vondaag en Campingplatz mit üm un bi 100 Stellplätz.

Verwaltungsgeschicht ännern

De Oort hett vör 1852 to de Hauptmannschop Gauderhandviddel von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.

De Hoff höört al jümmer bi de Gemeen Gauderhandviddel mit bi.

Inwahnertall ännern

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1871-12-011. Dezember 1871[3] 11 Lüüd, 2 Hüüs
1885-12-011. Dezember 1885[4] 11 Lüüd, 2 Hüüs

Religion ännern

De Nesshoff is evangeelsch-luthersch präägt un höört to dat Kaspel von de Johannis-Kark in Neekark.

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 161
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 426
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148

Weblenken ännern


Koordinaten:53° 33′ N, 9° 37′ O