Grevengericht Oolland

Dat Grevengericht Oolland weer en Gericht un Verwaltungsrebeed in Bremen-Veern un in dat Königriek Hannover mit Seet in Jörk binnen de Landdrostie Stood. Dor hebbt de hüdige Samtgemeen Lüh, de Gemeen Jörk, de Hambörger Stadtdeel Cranz un en Deel von’n Stadtdeel Neefeld tohöört.

In’n Noorden von dat Gericht leeg Holsteen, in’n Oosten op en lütt Enn dat Amt Horborg, in’n Süüdoosten de Gerichten Nincop un Rübk, in’n Süden dat Amt Oold- un Neeklooster, dat Gericht Delm un dat Gericht Hornborg, in’n Westen dat Amt Stood-Gothenborg un in’n Noordwesten de Stadt Stood un dat Grevengericht Bützfleet.

Historie

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Dat Gericht weer in disse Tied opdeelt twüschen den Kanton Jörk un den Kanton Buxthu. 1813 müssen de Franzosen dat Rebeed denn opgeven un de ole Stand is wedderkamen.

1848 weer dat Gericht so 140,47 km² groot.

Bi de Verwaltungs- un Justizreform an’n 1. Oktober 1852 is dat Grevengericht oplööst un Deel von dat Amt Jörk worrn.

Öörd Stand 1848

	Oort	Lüüd	Hüüs	Aard	Status
1	Hauptmannschop Hullern mit de Öörd Bachenbrook, Sövenhöven, Hullern, Speersoort un dat enkelte Huus Achterdiek	762	122		Gemeen
	Brook	14	1	Eddelgood	ahn Gemeen
2	Hauptmannschop Twielenfleet mit de Öörd Bassenfleet, Brunshusen, Melau, Twielenfleet mit de Hullerner Straat, Wöhrn, Sövenhöven, Sandhörn, Mojenhörn, Greundiek un Huttfleet un dat enkelte Huus Symphonie	959	165		Gemeen (utbenahmen dat Good Melau)
3	Hauptmannschop Steenkark mit de Öörd Bachenbrook, Huttfleet, Wetterndörp un Steenkark	1028	149		Gemeen
4	Hauptmannschop Gauderhandviddel mit de Öörd Gauderhandviddel un dat Good Nesshoff	751	115		Gemeen
	Bargfreed	37	5	Eddelgood	Goodsverband
5	Hauptmannschop Mittelskark mit de Öörd Mittelskark, Mittelskarker Achterdiek un Hogenfeld	930	139		Gemeen
6	Hauptmannschop Neekark mit de Öörd Neekark un Neekarker Achterdiek	718	124		Gemeen
7	Hauptmannschop Loodkup mit den Oort Loodkup (Ooster- un Westerloodkup)	821	135		Gemeen
8	Hauptmannschop Jörk mit de Öörd Jörk (mit Oosterjörk, de Börgeree, dat Zentrum un Westerjörk) un Gehrden	1474	199		Gemeen (utbenahmen dat Good Jörk)
9	Hauptmannschop Bossel mit de Öörd Bossel, Achterbraak, Neenslüüs, Wisch, Lüh, Höhen, Gehrden un Kohlenhusen	1843	272		Gemeen
10	Hauptmannschop Moorenn mit de Öörd Moorenn (mit en Deel von de Börgeree Eestbrügg) un Hoov	976	151		Gemeen
	Mönkhoff	14	2	Eddelgood	ahn Gemeen
11	Hauptmannschop Königriek mit de Öörd Königriek (mit en Deel von de Börgeree Eestbrügg) un Hoov	1229	181		Gemeen
12	Hauptmannschop Hasselwarder mit de Öörd Hasselwarder, Neefeld, Cranz, Rosengoorn un Veersielen	1890	272		Gemeen
	Seehoff	15	2	Vörwark	ahn Gemeen
13	Vaagdie Cranz
	Cranz	485	57	Oortschop	Gemeen
14	Vaagdie Ooldkloostergericht
	Groot Hoov	297	47	Oortschop	Gemeen
	Finkenriek			Oortschop

Inwahnertall

Johr	Inwahners
1810-00-001810	12,325 Lüüd, 2.176 Füürsteden
1823-00-001823	13,837 Lüüd, 2.376 Hüüs
1848-00-001848	14,243 Lüüd, 2.138 Hüüs

Greven

• –1671: Matthäus von Haren
• 1672–1712: Nicolaus von Höpken
• 1736–1752: Johann Christian von Düring
• 1752–1755: Hermann Adolph von der Beck
• 1755–1781: Eberhard von der Decken
• 1781–1793: Diedrich Gerhard von der Decken
• 1793–: Moritz von Borstel
• 1797–: Claus Heinrich von Lütcken
• 1817–1825: Carl Ludwig von Zesterfleth
• 1826–1834: Amtsassesser Eduard Christian von Lütcken (as Interimsadminstrater)
• 1834–1838: Eduard Christian von Lütcken
• 1838–1852: Hermann Ludwig von Hodenberg

Tweten Greven:

• 1685–1694: Heino zum Felde
• 1694–1712: Daniel tho Aspern
• –1797: Anton Seumnich
• ~1819: Christoph Barthold Clemens Büttner
• ~1846: Friedrich Samuel Thiemig