Niina Jyrkiäinen

Niina Jyrkiäinen (* 22. Februar 1975 in Göteborg) is en ehmalge finnische Biathletin.

Niina Jyrkiäinen arbeit as Physiotherapeutin un leevt in Tampere. Se fung 1987 mit den Biathlonsport an un hör Vereen is Kauhajoen Karhu. In Ruhpolding nehm se 1999 eerstmals an Rennen in' Biathlon-Weltcup deel. In hör eersten Sprint keem se up den 86. Platz, mit de Staffel wurr se an de Siet vun Katja Holanti, Outi Kettunen un Annukka Mallat Veert. Kört nahdem nehm se in Kontiolahti eerstmals an Biathlon-Weltmeesterschapen deel. In' Sprint kunn se sück as 37. för dat Verfolgungsrennen qualifizeeren, in dat se den 43. Platz beleggen dee. In Östersund wunn de Finnin gegen Enn' vun de folgen Saison as 24. vun en Verfolgungsrennen hör eerste Weltcuppunkte. Dorbi harr se sück vun de för de Verfolgungs-Qualifikatschoon maatgevlichen 50. Platz in' Sprint um 26 Platzen verbeetert. Bi den letzten Weltcup vör de Biathlon-Weltmeesterschapen 2001 in Antholz belegg Jyrkiäinen in' Sprint en 17. Platz un reck dormit hör best Ergevnis in en Weltcuprennen.

Bei de WM in Pokljuka wurr se 58. vun dat Eenzel, 69. in' Sprint un mit Holanti, Sanna-Leena Perunka un Eija Salonen 12. in dat Staffelrennen. To'n darten un letzten Mal is se 2003 in Chanty-Mansijsk bi en Weltmeesterschap an den Start gahn. Nah de WM nehm se blots noch eenmal, 2005 för twee Rennen in' Europacup, in internatschonalen Rennen deel. In Gurnigel wurr se sowohl in' Sprint as ok in en Verfolgung achter Irina Malgina un Christelle Gros Dart.

Natschonal wunn Jyrkiäinen 1998 den Titel as Finnisch Meesterin in' Eenzel vör Tiina Mikkola un Eija Salonen.

Weblenken

• Niina Jyrkiäinen in de Datenbank vun de IBU (engelsch)
• Niina Jyrkiäinen in de Datenbank vun de FIS (engelsch)