Nils-Bertil Dahlander
Nils-Bertil „Bert“ Dahlander (* 13. Mai 1928 in Mölndal; † 6. Juni 2011) weer en sweedsch Jazz-Slagtüüchspeler. För en körten Tiet is he in de 1950er Johren ok ünner den Naam „Bert Dale“ uptreden.
Nils-Bertil Dahlander kreeg Ünnerricht in Klaveer un Vigelien un studeer an de Juilliard School of Music in New York. Dornah hett he eerst in en Radioband arbeit, de vun Thore Ehrling leit wurr. 1951 un 1952 weer he an Upnahmen vun Lars Gullin bedeeligt. Mit eegen Quartett speel he denn in de USA un hett dor mit Terry Gibbs, in Europa 1956 mit Chet Baker tosommenarbeit. 1956/57 speel he weer mit Gullin. 1957 speel he weer in de USA bi Gibbs un Teddy Wilson, 1965 bi Earl Hines. 1966 gung he to Ralph Sutton nah Aspen, Colorado, dor speel he denn ok mit Peanuts Hucko un nehm an verscheeden Colorado Jazz Party-Konzerten deel. He nehm ok eegen Kompositschonen, sweedsch Walzer as Bossa Nova in‘ Dreeveerteltakt bearbeit, up. Buterdem weer he an Upnahmen vun Toshiko Akiyoshi bedeeligt. Dahlander speel in de Loop vun de Johren ok mit Musikers as Malte Johnson, Sune Waldehorn, Rune Gustafsson, Rolf Ericson, Lester Young, Wardell Gray, Sonny Stitt, Sonny Rollins, Lars Gullin, Harry Arnold un Zoot Sims. In de 1970er Johren is he faken in Finnland un Schweden uptreden, 1973 nehm he mit Earl Hines en Reunion-Album auf. In de 1990er Johren weer he noch an Upnahmen vn Kenneth Arnström (Jazz Feeling, 1997) un Jesper Thilo (Flying Home, 1999) bedeeligt.
Literatur
ännern- Carlo Bohländer & Karl-Heinz Holler: Reclams Jazzführer. Reclam, Stuttgart 1977.
- Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8