Noah Gordon

Noah Gordon (* 11. November 1926 in Worcester, Massachusetts; † 22. November 2021) weer en US-amerikaansch Schriever.

Noah Gordon (2008)

Leven

Noah Gordon wurr as tweet Kind vun Robert un Rose Gordon in Worcester, Massachusetts, USA boren. Sien Vörnaam wurr nah sien Grootvader Noah Melnikoff wählt. 1945 hett he Highschool afslooten. Trotz Brill un Farvenblindheit is he in de Armee intreeden, later in de Navy. Nah den Tweeten Weltkrieg hett he eerst Medizin studeert, denn hett he aber doch Gefallen an dat Schrieven funnen un Journalismus studeert. 1950 kreeg he sien Bachelor in Journalismus un later sien Master in Engelsch un Creative Writing an de Boston University.

He hett Lorraine Seay heiraadt un mit hör in New York wahnt. Nah hör eerst Kind sünd se nah Boston trucken. Dornah hett he völ Johren bi den Boston Herald arbeit. Nahdem he all mehrere Vertellsels herutbrocht harr, gelung hüm all mit sien eerst Roman Der Rabbi de Dörbröök.

Besünners spoodriek weern sien Romane rund um de fiktive Mediziner-Dynastie vun de Familie Cole (Der Medicus, Der Schamane, Die Erben des Medicus). För den tweeten Roman Der Schamane ut de Medicus-Reeg kreeg he in dat Fröhjohr 1993 den James Fenimore Cooper Prize for Historical Fiction.

Sien letzt Warken hemm sück mit de Inquisitschoon un de jöödsch Kulturgeschichte befaat. He weer aber ok as Wetenschapsjournalist tätig, ünner annern as Chefredakteur vun "Science" arbeit.

Gordon harr dree Kinner. He leev mit sien Fru in en Öllersheim un hett dor de Bibliothek betrüet, de he dat Öllersheim schunken harr.

Böker

„Familie Cole“-Zyklus

• Der Medicus. (orig.: „The Physician“). Droemer Knaur, München 1987, ISBN 3-426-19192-X.
• Der Schamane. (orig.: „Shaman“). Droemer Knaur, München 1992, ISBN 3-426-19298-5.
• Die Erben des Medicus. (orig.: „Matters Of Choice“, in USA „Choices“). 3. Uplaag. Droemer Knaur, München 1995, ISBN 3-426-19331-0.

anner Romane

• Ein Haus für den Herrn. (orig.: „The Rabbi“). Paul Zsolnay Verlag, Wien 1967. (ok herutbrocht ünner den düütschen Titell Der Rabbi).
• Die Klinik. (orig.: „The Death Committee“). Paul Zsolnay Verlag, Wien 1970.
• Der Diamant des Salomon. (orig.: „The Jerusalem Diamond“). Düütsch Eerstutgaav, Droemer Knaur, München 1993, ISBN 3-426-60152-4.
• Der Medicus von Saragossa. (orig.: „The Last Jew“). 1. Uplaag. Blessing, München 1999, ISBN 3-89667-013-1.
• Der Katalane. (orig.: „The Bodega“). Blessing, München 2008, ISBN 978-3-89667-367-1.

Kinner un Jöödbook

• Tiergeschichten. (orig.: „Sam and Other Animal Stories“). cbj-Verlag, München 2004, ISBN 3-570-12830-X.

Verfilmungen

Der Medicus vun den Speelbaas Philipp Stölzl 2013

Weblinks

• DNB-Katalog
• Offizielle Website (engelsch)
• Julia Kastein: Unbekannt im eigenen Land: Medicus-Autor Noah Gordon gestorben. (mp3-Audio; 2,3 MB; 2:28 Minuten) In: Deutschlandfunk-Sendung „Informationen am Morgen“. 23. November 2021; afropen an’n 23. November 2021.