Norbert Radzanowski
Norbert Radzanowski (* 1948) is en düütschen Moderator un Schriever, de ok veel op Platt daan hett.
Radzanowski harr Rechtspleger lehrt. 1973 hett he aver bi’n NDR anfungen un Narichten spraken. Dör de Arbeiden bi’n NDR hett he sik en Studium von Politik, Weertschop un Düütsch op Lehramt an de Pädagoogsche Hoochschool Kiel finanzeert. Twölv Johr hett he as Schoolmeester an en Realschool in’n Kreis Sebarg arbeidt, is denn aver as fre’en Mitarbeider to’n NDR wesselt un weer ünner annern Moderator bi Talk op Platt un von 1985 bet 2001 bi dat Schleswig-Holstein Magazin. Von 2002 bet to siene Rente (mit dat Enn von dat Johr 2011) hett he denn as Pressspreker för de Noordelvsche Evangeelsch-Luthersche Kark arbeidt.
He weer von 2006 bet 2010 för Sleswig-Holsteen Maat von’n Bundesraat för Nedderdüütsch. 2006 is he ok in’n Plattdüütschen Raat för Sleswig-Holsteen wählt worrn. He is Vörsitter von’n Utschuss för Nedderdüütsch un Freesch bi’n Sleswig-Holsteenschen Heimatbund.
Radzanowski leevt in Bornhööft.
Warken
ännern- Bringen Sie doch mal’n Sakko mit. Wachholtz Verlag, 2005, ISBN 3529048496
Weblenken
ännern- Radzanowski sien Websteed (hoochdüütsch)