North Sea Jazz Festival
Dat North Sea Jazz Festival is en nedderlannsch Jazzfestival. Siet 1976 wurr dat in Den Haag organiseert, siet 2006 in Rotterdam. Mittlerwiel hörrt dat to de bekanntst un gröttst Jazzfestivals vun de Welt.
De Grünner vun dit Jazzfestival is de nedderlannsch Jazz-Promoter Paul Acket (1922–1992). He fung as Musikverleger vun Tietschriften as Luister, Popfoto un Muziek Expres an. Mit den Millionengewinnen ut deren Verkoop 1974 hett he sien Jazzfestival betallt, dat he in Juli 1976 in Congresgebouw in Den Haag eerstmals stattfinnen leet. Dormals keemen all 9000 Besöker.
De Musik-Grootveranstalten (bit to 70.000 Besöker) find jedes Johr immer an dat tweet Weekenenn' in' Juli vun freedags bit sönndags statt. Hier draapt sück bi över 100 Konzerten de Weltelite vun den Jazz.
De Musik geiht dorbi vun Jazz un Blues bit hen in den Soul- un Popberiek. Mitwirken Künstler vun de letzt Johren weern ünner annern so bekannt Naams as Al Jarreau, Dianne Reeves, Carlos Santana, Marcus Miller, Patti Austin, Patti Labelle, Gino Vannelli, Incognito, Alicia Keys, George Benson, Eddie Palmieri, George Duke, Macy Gray, Larry Carlton, Buddy Guy, Wynton Marsalis usw.
Up dat North Sea Jazz Festival wurrd as Utteknung för dat Gesamtwark vun Jazzmusikern un Personen, de sück um den Jazz verdeent maakt hemm, jedes Johr de Bird Award vergeven, de 2006 in Paul Acket Award umnömmt wurr.
Süsterveranstalten
ännernSiet 2000 find immer in' März/April in Kapstadt, Süüdafrika dat as North Sea Jazz Cape Town grünnd Cape Town International Jazz Festival statt.
Up de karibisch Insel Curaçao, Nedderlannsch Antillen, find in' September dat Curaçao North Sea Jazz Festival statt.
Weblenken
ännern
North Sea Jazz Festival. Mehr Biller, Videos oder Audiodateien to’t Thema gifft dat bi Wikimedia Commons.
- North Sea Jazz Festival
- Mitsnitte vun den apenlich-rechtlichen Rundfunk