Northside (Grupp)
Northside weer en britische Musikgrupp ut de Tiet vun de Madchester-Bewegung. Se harr ehr spoodrieke Tiet Anfang vun de 1990er Johren.
Loopbahn ännern
Grünnt hett sik de Grupp 1989 in Machester. De Originalbesetten bestünn ut Warren Dermody (Singer), Cliff Ogier (Bass), Michael Upton (Gitarr) un Paul Walsh (Slagtüüch). 1990 is Michael Upton weggahn. An sien Steed keem Timmy Walsh as Gitarrspeler dorto. In de Besetten hett de Grupp bit 1992 speelt.
In dat Johr 1990 sünd vun Northside twee Singles rutkamen. De eerste harr den Titel Shall We Take A Trip un weer vun de BBC blots in de Nacht speelt, vunwegen dat Anspelen op Drogen in den Text. De Tweete weer Rising Star, de bit in de UK Top 40 kamen is. Dat Johr dorop hebbt Northside jemehr bit hüüt eenzig Album Chicken Rhythms rutbröcht. Bito keem en wietere Top 40 Single mit den Titel Take 5 op’n Markt. Ok in Noordamerika harrn Northside mit jemehr Leder Spood.
In 1992 hett de Grupp Opnahmen för en tweet Album maakt. Produzeert worrn is dat aver nich mehr, vunwegen dat de Platenfirma, Factory Records, vörher in Konkurs gahn is. Northside hett dorna woll en ne’e Platenfirma söcht, aver keen funnen. Enn vun 1996 weer dat Resultat, dat sik de Grupp oplöst hett. Enn vun’t Johr 2006 is de Grupp denn aver op en Comeback-Tour dör Grootbritannien gahn.
Diskografie ännern
Album ännern
- 1991 – Chicken Rhythms, UK no. 19
Singles ännern
- 1990 – Shall We Take A Trip, UK no. 50
- 1990 – My Rising Star, UK no. 32
- 1991 – Take 5, UK no. 40
- 1991 – Tour De World (blots in de USA)