Odetta Holmes

Odetta Holmes (* 31. Dezember 1930 in Birmingham, Alabama; † 2. Dezember 2008 in Manhattan, New York) weer en US-amerikaansch Singersche. Hör Repertoire umfaat vör allen Folk, Blues un Spirituals.

Odetta Holmes, Kent State Folk Festival 2006

Biografie

Holmes is in Los Angeles upwussen. Se studeer Musik an dat City College in Los Angeles un hett eerst Beropserfahrungen mit dat Musical Finian´s Rainbow bi en Tourneetheater makt. Hör Karriere as Folk-Sängerin fung in San Francisco an, 1953 is se in en Nachtclub in New York uptreden. Dat eerste Album hett se 1954 upnommen. Harry Belafonte hett hör 1959 in en Fernsehshow inladen. Hör Album Odetta Sings Folk Songs harr bannig völ Spood in dat Johr 1963 un hett sück good verköfft. In Düütschland is se 1968 bi dat Waldeck-Festival in’ Hunsrück uptreden.

Holmes hett ok in eenig Filmen mitwarkt, so as in The Autobiography of Miss Jane Pittman oder Geständnis einer Sünderin.

1998 wurr hör för hör politisch Intreden de War Resisters League Peace Award verlehnt.

Odetta Holmes sull bi de Vereedigung vun Präsident Barack Obama an’ 20. Januar 2009 uptreden.

Weblenken

• Odetta Holmes in der IMDb