Ontogenese

Ontogenese oder Ontogenie (gr. ὀντογένεση; tohopenföögt ut ὄν on ‚dat, wat is‘ un γένεσις génesis, Anfang, Geboort) is de Geschicht vun en enkelten Organismus, vun’n Anfang bit hen to sien Enne. Gegen de Ontogenese over steiht de Phylogenese as de Stammgeschicht vun en ganze Grupp vun Leevwesen. De Tiedverloop vun en enkelt Leven warrt ok „Levensgeschicht“ nömmt. Dor warrt in beschreven, wie sik en Individuum mit de Tied ännert, vun den Kiem af an, wo dat mit losgeiht, bit over dat ferdige (adulte) Leevwesen, un tolest ok de Tieden, wo dat vunwegen dat Oller wedder torüchbillt warrt.