Organismus (Biologie)
En Organismus oder Lebewesen/Leevwesen is in de Biologie en lebennig Wesen mit egen Stoffwessel. Veelzellers (Deerter), Planten, Swämme un Bakterien sünd vundeswegen Organismen, gegen Viren un Prionen over, de allgemeen nich as Organismus ankeken weert.
| Leevwesen | ||
|---|---|---|
 | ||
| Systematik | ||
| ||
| Wetenschoplich Naam | ||
| Organismen | ||
In den Tosamenhang, wo dat Woort Organismus in bruukt warrt, geiht dat meist um de Funktschoon vun dat Leven: Dor warrt dat Wesen bi ankeken as en Tohopenspeel (System) vun chemische Reaktschonen un physische Vörgäng. Up düsse Aart befaat sik de Biologie, de Physiologie, de Biochemie, de Molekularbiologie un de Biophysik dor mit. Fudderhen kann ok unnersocht weern, wie Organismen mitn’anner leven un torechtkamen doot un wie se sik in ehre Umwelt torecht finnt (Ethologie un Ökologie).
Organismen könnt up allerhand verscheden Niveaus unnersocht weern: molekular, na de Zellen hen, na de Struktur vun dat Geweev (Histologie), up dat Niveau vun de Organe oder Organsysteme, een kann dat enkelte Wesen unnersöken, man ok de Populatschoon oder dat Ökosystem.
Blangen dat Woort Organismus warrt woll ok dat hoochdüütsche Lehnwoort Lebewesen bruukt. Up Platt kann dor denn woll ok Leevwesen vun maakt weern.