Ooltstadt (Kiel)

Ooltstadt (dt. Altstadt) is en Stadtdeel vun Kiel. Mit 34,7 Hektar (31. Dezember 2010) is de Ooltstadt vun de Flach her de lüttste Stadtdeel vun Kiel^[1]. Wenn en dat mit de Situatschoon vör den Tweten Weltkrieg vergliekt, hett de Ooltstadt blots noch wenig Inwahnerinnen un Inwahners. End 2014 sünd dat 654 wesen. De Naverstadtdelen sünd Düsternbrook in’n Noorden, Damperhoff in Noordwesten un de Vörstadt in Süüdwesten. Över de Föörd liggt Gaarden-Oost.

Wapen/Flagg

Koort

Basisdaten

Inheemsch Naam:

Altstadt (dt.), Ooltstadt (nds.)

Bundsland: Sleswig-Holsteen

Gemeen: Kiel

Flach:

0,347 km²

Inwahners:

654 (31. Dezember 2014)

Inwahnerdicht:

1.884,7 Inwahners pro km²

Postleettall:

24103

Vörwahl:

+49 431

Geograafsche Laag:

Koordinaten:54° 19′ N, 10° 8′ O54° 19′ N, 10° 8′ O

Historie ännern

Twischen 1233 un 1242 grünnt Graaf Adolf IV. vun Holsteen Kiel op en Halfeiland vun zirka 18 Hektar (vundaag Ooltstadt). Blots in Noordoosten geevt dat en Verbinden mit dat Fastland. De Kieler Föörd un de Lütte Kiel, en Meerarm, verdeffendeert de niege Siedeln. De eersten Lüüd hebbt den Oolen Markt, de Däänsche Straat, de Fläämsche Straat, de Haßstraat, de Holstenstraat (bit in’t 15. Johrhunnert Brüchstraat), de Kehdenstraat, de Küterstraat, de Pfaffenstraat, de Slottstraat (fröher Borgstraat), un de Schohmakerstraat anleggt. Butendem hebbt se in Süüdoosten vun’n Marktplatz de Nikolaikark un to’n Schuul vun de Stadt an de eenzig Verbinden mit ’t Land in Noordoosten vun’t Halfeiland en Borg buut. In’t 15. Johrhunnert hett en de Borg to’n Slott grötter maakt. Op de anner Siet stellt de Holstenbrüch en Verbinden to de groten Straten in Süüden dor^[2].

Bekannte Oorten ännern

Nikolaikark (evangeelsch-luthersch)
Kieler Slott
Lütte Kiel un Bootshaven
Holstenstraat
Dat Schippfohrtsmuseum Kiel an’n Satorikai

Weblenken ännern

Commons: Altstadt (Kiel) (dt.)
Förderkreis Kieler Altstadt e.V. (dt.)
Kieler Ooltstadt in’t Stadtwiki Kiel (dt.)

Enkelt Nawiesen ännern

↑ Die Sozial- und Strukturdaten aus den Kieler Stadtteilen 2010 (PDF; 1,4 MB)
↑ Hans-G. Hilscher, Dietrich Bleihöfer: Kieler Stratenlexikon. Führt siet 2005 dör dat Amt für Bauordnung, Vermessung und Geoinformation vun de Landshööftstadt Kiel, (Februar 2017) (op www.kiel.de)

[1] Die Sozial- und Strukturdaten aus den Kieler Stadtteilen 2010 (PDF; 1,4 MB)

[2] Hans-G. Hilscher, Dietrich Bleihöfer: Kieler Stratenlexikon. Führt siet 2005 dör dat Amt für Bauordnung, Vermessung und Geoinformation vun de Landshööftstadt Kiel, (Februar 2017) (op www.kiel.de)

[1]

[2]