Suchsdörp

Suchsdörp [ˈzuːksdœːp]^[1] (dt. Suchsdorf [ˈzuːksdɔɐ̯f]) is en Stadtdeel in’n Kieler Noordoost mit 9.400 Inwahnerinnen un Inwahners. Suchsdörp is bet 1958 en Gemeen in den Kreis Rendsborg-Eckernföör wesen.

Wapen/Flagg

Koort

Basisdaten

Inheemsch Naam:

Suchsdorf (dt.), Suchsdörp (nds.)

Bundsland: Sleswig-Holsteen

Gemeen: Kiel

Flach:

8,04 km²

Inwahners:

9.427 (31. Dezember 2014)

Inwahnerdicht:

1.172,5 Inwahners pro km²

26 m över de See

24107

+49 431

Koordinaten:54° 21′ N, 10° 5′ O54° 21′ N, 10° 5′ O

Geographie ännern

De Kronshagen-Ottendörper-Au, ok Schwartenbek, fleet dör den Stadtdeel. Dat Neeborebeet Suchsdörp an de Au is na ehr nöömt warrn. In’n Süden stellt düsse Fleet den Grenz to de Navergemeen Kronshagen dor. De hööchste Punkt is de Lehmbarg mit 26 m in’n Süüdwesten vun’t Goot Schwartenbek. De Westen besteiht ut Hööv un Ackers un Holten, in de Meren findt en Hüüs Industrien, un dat Projensdörper Holt print dat Bild in Oosten vun’n Stadtdeel. De interkommunalen Wegen Bundsstraat 76, Eckerföörer Straat, Holmredder un de Personenbahnlien Kiel-Eckenföör-Flensborg löppt all vun Noord na Süüd. De eenzig Kommunikatschoonswegen West-Oost sünd de Steenbeker Weg, de den Stadtdeel mit de Wik verbindt, un de Güterbahnlien Suchsdörp-Scheerhaven. De Stadtdeel is also afhangig in Betog op de Verkehrsgeographie afhangig vun anner Rebeden, wat de Verbinnen in’n Westen angeiht. De Noord-Oostsee-Kanal mutt hier enkelt opföhrt warrn, wiel he keen Kommunikatschoonsweg för Suchsdörp dorstellen deit, man en Hinnern in’t urbanen Planen. Dör de Bo vun den Levenauer Hoochbrüchen, woneem de B 76, de Eckernföörer Straat un den Bahnlien Kiel-Eckenföör-Flensborg na Sleswig kamen köönt, kann dat Hinnern minnert warrn. De ole Delen vun Suchdörp sünd Levensau an de ole Levensau, in de ehr Bett hüütodaags de Noord-Oostsee-Kanal löppt, dat Goot Schwartenbek, Nienbrügge üm den Nienbrügger Weg rüm, Viehdamm an’n Süüdafsnitt vun’n Holmredder un de Rundling Suchdörp üm den Dörpdiek twischen de Straten Ole Dörpstraat (dt. Alte Dorfstraße), An Dörpdiek un Buernkrog. En Deel vun de Oortsdeel Klausbrook höört vundaag ok to Suchdörp.

Historie ännern

In’t Johr 1269 dükert de Naam Sukestorpe (= dat Dörp vun Suko) to’t eerste Maal op en Document op. Dat is glöövt, dat de Anfang vun Suchsdörp avers al in’t 9. Johrhunnert liggt. In’n Tweten Weltkrieg kriggt Suchsdörp veel Bomben af wegen sien strategisch Brüchen över den Noord-Oostsee-Kanal. En vermoodt, dat Suchsdörp ok so leeg drapen warrn is, wiel Flegers dat Dörp mit dat U-Bootwark in de Wik verwesselt hebbt. 1925 bot de Gemeen dat Viddel üm den Schneiderkamp in’n Süden vun’n Rundling, na den Tweten Weltkrieg entsteiht dat Viddel üm den Rungholtplatz twischen 1950 un 1970. Dat Dörp wasst un warrt 1958 en Stadtdeel vun de Landshööftstadt Kiel. Toeerst maakt düsse Prozess Suchdörp to en Slaapstadt, de de Lüüd ’s Dags verlaat, üm to ehr Arbeit to gahen, un in de se ’s Nachts wedder trüch kaamt, üm to slapen. Vun af de laat 1970er Johren vergrodt sik de Inwahnertall vun den Stadtdeel in’t Rebeet üm den Nienbrügger Weg un den Steenbeker Weg. Siet 2000 is dat Rebeet Suchsdörp an de Au dörtokamen.

Politik ännern

In’n Oortsbieraat sitt veer Liddmaten vun de CDU, veer vun de SPD un en vun Bündnis 90/De Grönen. Sien Baas is Reinhard Warnecke (SPD). De FDP, De Linke un de Piratenpartei stellt elk en Liddmaat ahn Stimmrecht. Ut den Wahlkreis 7 Suchdörp hett Thomas Wehner (SPD), de vun af 1998 in de Kieler Raatsversammeln sitt, en Direktmandat kregen. Ralph Roick (CDU) is dör en Listenplatz ok Raatsherr, wat he al siet 2008 is. Klausbrook höört to Wahlkreis 6 (Projensdörp). Wolfgang Homeyer (CDU) hett dat Direktmandat kregen. Butendem sitt Sven Seele vun’n SSW ut Suchsdörp an de Au in de Raatsversammeln.

Enkelt Nawiesen ännern

↑ Institut für niederdeutsche Sprache: De plattdüütsche Landkoort

[1] Institut für niederdeutsche Sprache: De plattdüütsche Landkoort

[1]