Oostbrügg Öberndörp

De Oostbrügg Öberndörp is en Klappbrügg in Öberndörp över de Oost (bi Stroomkilometer 55,6).

Luftbild von Öberndörp mit de Oostbrügg links

De Klappbrügg apen, üm de Mocambo dörtolaten

Över de Brügg löppt de Kreisstraat 24/Kreisstraat 25, de von de Bundsstraat 73 bi’n Bahnhoff Wingst över Öberndörp na de Landsstraat 113 in Bentwisch löppt.

De Dörföhrhöögd bi slaten Klappbrügg bi MThw is 3,80 m, bi MTnw 6,2 m un de Dörföhrbreed twüschen de Pielers is 22 m. Twüschen de Wedderlagers is de Brügg 96,8 Meter breed. De Scheitelhöögd bedriggt 5,8 Meter. De Brügg is bet 30 Tunnen tolaten un hett een Spoor, de dree Meter breed is. De Verkehr warrt över Ampeln regelt, de de Fohrtüüg ümschichtig över de Brügg föhren laat.

De Brügg is 1977 boot worrn un an’n 8. Mai 1977 in Bedriev gahn, vörher hett dat hier en Fähr geven. De Brügg is Deel von de Düütsche Fährstraat.

Weblenken

Oostbrügg Öberndörp. Mehr Biller, Videos oder Audiodateien to’t Thema gifft dat bi Wikimedia Commons.