Oostfresen

De Oostfresen bünd de oostelk Deel van de freeske Volksgrupp. As Fresen hören se tegen de Dänen, de Sorben un de Sinti un Roma to de anerkennt nationaal Minnerheiden in Dütskland. De Saterfresen bünd Nakomers van Oostfresen, de van d' Waterkant in Binnenland trucken bünd.

De Kuntreien van de oostelke Fresen.

En dicht Verwandskupp van de Oostfresen besteiht mit de Noordfresen un de Westerlauwersk Fresen. Dat Tohuus van de Oostfresen is Oostfreesland in d' Noordwesten van Dütskland. Faken worden ok all freeske Inwahners van de oostelk freesk Kuntreien (Oostfresen, Saterfresen, Ollenbörgske Fresen, Rüstringer Fresen, Wurtfresen un anner) tosamen as Oostfresen betekend.

Vandag word daarvan utgahn, dat de meeste Minsken in Oostfreesland noch Oostfresen bünd. Heel genau weet dat kien een, umdat sük elk un een sülvst to en Minnerheid bekennen dürs, sünner dat de Staat dat offragen un tellen deit. De Oostfresen bünd al leep fröh de Oostfreeske Spraak quietworden. Hör Taal is vandag dat Oostfreeske Platt. In d' Fresenraad sitten se in de Sektion Oost.

Bekennt wurren de Oostfresen dör lüttje Döntjes, de Oostfresenjoken.