Opera (Nettkieker)
Opera is een Nettkieker vun de Firma Opera Software ASA ut Norwegen.
De is wat slanker as anner Nettkiekers, hett dorbi aver en Moduul för Nettbreven, Narichtenkrinken, dat Klönen un RSS-Mellen inbuut. Dat gifft Opera för en heel Reeg vun Bedriefsystemen, so as Windows, Linux, Mac OS, FreeBSD un ok för Mobiltelefonen un Handreekners. Un dat beste is: dat gifft Opera ok op Plattdüütsch.
De niegeste Verschoon för de mehrsten Bedriefssystemen is 9.5. De gröttsten Ännern twischen Opera 8 un Opera 9 sünd:
- Inholden duerhaftig blockeren („Warvenfilter“)
- Ünnerstütten för BitTorrent
- Butenwarktüüch („Widgets“). Dat sünd besünner, egenstahn Kiekerfinstern, de nich maal rechteckig wesen bruukt. De Born is lokaal sekert, man se köönt mit Sieden in’t Nett snacken. So lett sik t.B. en Söökwarktüüch för mehr as een Söökmaschien opstellen.
- Instellbor Afkörten för egen Söökmaschienen (t.B. för’t Söken hier in de plattdüütsche Wikipedia)
- Besünner Instellen för enkelte Nettsieden
- Inbuut Bornkodekieker
- Synchroniseren vun Leestekens op verscheden Reekners över’t Internet („Opera Link“)
- Verbetert IMAP-Ünnerstütten
- Ünnerstütten vun SVG un CSS3- un HTML5-Delen
- Schuul vör Dörstekeree („Phishing“)
Kiek ok bi: Software
Hinwiesen
ännern- Websteed vun Opera (engelsch)
- Opera op Platt (hoochdüütsch)