Osmany Salas

Osmany Eduardo Allen Salas (* in Orange Walk) is en Politiker ut Belize.

Salas is as Söhn von Mirta María Majarrez (1940–2011) un Eduardo Salas in Orange Walk boren. He hett an de Universität von Michigan studeert un dat Studium mit en Master of Science in Natural Resources Policy and Behaviour afslaten.

Von 1997 bet 2001 weer he Executive Director von de Belize Audubon Society un von 2004 bet 2005 Chief Forest Officer för de Regeren von Belize. Von 2014 bet 2017 weer he Präsident von de Belize Tourism Industry Association.

Nadem de Regeren von Belize beslaten hett, dat de Senaat von Belize von twölv op dörteihn Senaters vergröttert warrn schall, is Salas an’n 10. Januar 2017 as Vertreder von de NGOs in’n Senaat wählt worrn.

He is verheiraadt mit siene Fro Lupi. He is ok Besitter von dat Restaurant Nahil Mayab in Orange Walk.