Osmiridium

Osmiridium is en Platinmetall-Legeren un ok en Varietät vun’t Iridium, wat as Mineral natürlich vörkummt. Vun de International Mineralogical Association warrt dat Osmiridium sülvst nich as Mineral ansehn. Tosätzlich to dat Iridium bargt de Legeren dat cheemsch vergliekbore Metall Osmium.

Osmiridium bargt hööchstens 24 % Osmium un dröff nich mit de Osmiumvarietät Iridosmium verwesselt warrn, de tomindst 55 % Osmium bargt .

Vörkamen

Osmiridium is roor un kummt natürlich tomeist in Sellschopp mit annere Platinmetallen vör. Fundöört gifft dat ünner annern in New South Wales un op Tasmanien, Australien; British Columbia in Kanada; de chinees’schen Provinzen Hebei, Sichuan un Tibet, Nová Paka in Tschechien, Peyrolles-en-Provence in Frankriek, Süüdafrika, Russland un de USA (Alaska, Kalifornien, Nevada un Oregon).

Weblenken

• Mindat.org - Osmiridium bi mindat.org (engl.)