De Osseten sünd en Volk dat in Russland (Noordossetien, Deel vun de Republiek Noordossetien-Alanien) un Georgien (Süüdossetien) leevt. Dat Land, woneem Osseten leven doot, warrt tohoop ok Ossetien to seggt. Jemehr Spraak is dat Ossetsche, wat ene iraansche Spraak is. Dat gifft üm un bi 750.000 Osseten.

Vun de Religion her sünd üm un bi 80 Perzent orthodoxe Christen un de Rest sunnitsche Moslems.

De Osseten kaamt vun de Alanen af un sünd ut Rebeden Süden den Donstroom na dat Rebeet kamen, wat nu Noordossetien is. Later sünd se denn ok övern Kaukasus-Hööftkamm röver un hebbt ok in Süüdossetien siedelt.