Ossetien

Ossetien is de Naam vun dat Land vun de Osseten. Dat Land is vundaag opdeelt in Süüdossetien, wat Deel vun Georgien is, un Noordossetien, wat Deel vun Russland is. Twischen de beiden Delen vun de Region löppt de Hauptkamm vun’n Kaukasus langs.

Koort vun Noord- un Süüdossetien

Wapen vun Süüdossetien

Süüdossetien

De Kuntrei hett sik al 1990 unner den Naam vun de Republik Süüdossetien as sülvstännig verklaart. In'n August 2008 hefft Truppen ut Georgien versöcht, de Macht dor wedder in'e Hannen to kriegen un sünd inmarscheert, as in China de Olympschen Spelen in'e Gangen weern. Vördem al hadd Russland avers an al Süüdosseten russische Utwiesen utdeelt un dor mit kloor maakt: För Russland sünd de Süüdosseten Staatsbörgers vun de Russ'sche Föderatschoon. As de Georgiers in Süüdossetien inmarscheern döen, hefft sik stracks de Russen röögt un sünd mit grote Överlegenheit vun Militär bit na de Hööftstadt Zchinwali inrückt. An'n 26. August 2008 hefft Russland un Abchasien künnig maakt, se keken Süüdossetien nu as en egenstännigen un unafhängigen Staat an. De Konflikt üm Süüdossetien hett dat Mit'nanner twuschen Russland un de NATO-Länner bannig afküllt un ok Striet mank de NATO-Länner un mank de Liddmaten vun de EU utlööst.

Geographie

Hööftstadt is Zchinwali.