Paolo Giovo
Paolo Giovio (* 19. April 1483 in Como; † 11. Dezember 1552 in Florenz; latiensch maakt: Paulus Iovius) is en italieenschen Historiker, Biograph, kathoolschen Bischop un Dokter ween. Ok sien Broder Benedetto Giovio (1471–1545) hett sik mit Historie ut'neen sett.
Leven ännern
Paolo Giovio hett in Padua Philosophie un in Pavia Medizin studeert. As Dokter weer he toeerst in Como un achternah in Mailand togange. 1517 is he na Rom gahn. Dor hett em Paavst Clemens VII. to'n Bischop vun Nocera maakt. Bloß dree Johre na den Dood vun Nikolaus Kopernikus hett he in't Johr 1546 en Biographie over den Astronomen sien Leven schreven.[1] In siene Villa in Borgo Vico an den Comer See hett he en bedüdende Sammlung mit Biller vun Staatslüde un Kriegshelden harrt, dormank twee Biller vun Bronzino. Dor hannel sik dat um Biller vun Andrea Doria as Neptun un Cosimo I. de' Medici in Rüstung bi.
Warke ännern
- Historiarum sui temporis libri XLV, de Geschichte vun siene Tied 1494–1547 (italieensch uon Domenichi, Florenz 1551–53, 2 Bn.).
- Vitae virorum illustrium (verfaat nah 1527; italieensch vun Ludovico Domenichi, Florenz 1549–47, 7 Bn.), dor fangt Giovio in an mit Albertus Magnus un Thomas vun Aquin un stellt Porträts vun vermaarde Schrieverslüde un Dichterslüde ut siene Tied vor. To'n Deel hett he de Lüde ok persönlich kennt, as Ariost, Baldassare Castiglione, Niccoló Machiavelli, Jacopo Sannazaro un Vittoria Colonna.
- Litterae: Siene Breeve hett Ludovico Domenichi herutgeven (Lettere volgaredi Paolo G., Venedig 1560).
Editionen ännern
- [Paolo Giovio: Vitae virorum illustrium] Paolo Giovio: Notable Men and Women of Our Time. Edited and translated by Kenneth Gouwens (The I Tatti Renaissance Library, 56). Cambridge, Ma. / London: Harvard U.P. 2013. ISBN 9780674055056
Literatur ännern
- T. C. Price Zimmermann: Paolo Giovio. The Historian and the Crisis of Sixteenth-Century Italy.
- E-Book (Microsoft Reader format). ISBN 1-4008-0893-6
- E-Book (Adobe Reader format). ISBN 1-4008-0895-2
Weblenken ännern
