Phänetik

De Phänetik oder numer‘sche Taxonomie is en System in de bioloogsche Systematik, wo dat dor up ankummt, en Taxonomie uptostellen up de Grundlaag vun morpholoogsche Kennteken. Dorbi warrt sunnerlich torüch grepen up Rekenverfahrens mit Hölp vun Computers un speziell up de Clusteranalyse. De ganze Saak is 1961 vun Robert R. Sokal un Peter Sneath (1923–2011) in dat Book Principles of Numerical Taxonomy vörstellt wurrn.

Wie dat in de Forschung mit de Phänetik steiht

De Phänetik hett sik in de bioloogsche Systematik nich dörsetten konnt. De meisten Forschers hüdigendags hoolt sik an de Phylogenese un de ehr wetenschopplich Verfahrens, de Phylogenetik un de Kladistik.

Literatur

• Robert R. Sokal, Peter H. Sneath: Principles of Numerical Taxonomy. Freeman Books, San Francisco 1963, ISBN 0-7167-0621-0.
• Peter H. Sneath, Robert R. Sokal: Numerical Taxonomy: the principles and practice of numerical classification. Freeman Books, San Francisco 1973, ISBN 0-7167-0697-0.