Plattdütsche Husfründ

De Plattdütsche Husfründ weer en plattdüütsche Tiedschrift, de von 1876 bet 1880 een Maal in’e Week bi Koch in Leipzig rutkeem.

Titel von de eerste Utgaav von’n Plattdütschen Husfründ

De Tiedschrift is op Anregung von Klaus Groth grünnt worrn un verstünn sik as en Volksblatt für alle Plattdeutschen. Annere plattdüütsche Schrieverslüüd hebbt Bidrääg schreven un Karl Theodor Gaedertz hett Literatur-Kritiken levert. Dat Bladd müss aver al na fiev Johr opgeven, von wegen dat de Abonnententall nich groot noog weer.

Exemplare von de Tiedschrift liggt vondaag in de Universitätsbibliothek Kiel, de Landsbibliothek Mekelborg-Vörpommern un de SLUB Dresden.

Literatur

• Hans Siercks: Klaus Groth. Sein Leben und seine Werke. Kiel un Leipzig 1899