Paul un Prosper Henry

De Bröder Paul-Pierre Henry (* 21. August 1848 in Nancy; † 4. Januar 1905 in Montrouge) un Mathieu-Prosper Henry (* 10. Dezember 1849 in Nancy; † 25. Juli 1903 in Pralognan) weern franzöösche Optikers un Astronomen.

Paul-Pierre un Mathieu-Prosper Henry

Leven un Wark

De Bröder Henry weern na den Dood vun Jean Chacornac dormit beopdraagt de Arbeit an sien Steernkorten to Enn to bringen. Üm de Arbeit eenfacker to maken, hebbt se sik mit de Fotografie holpen. De Instrumenten, de se dorför bruken, hebbt se sülvst herstellt, so ok de groten Objektiven. Jem is to verdanken, dat sik de Astrofotografie in’t 19. Johrhunnert so gau wieter entwickdelt hett.

Se hebbt tallrieke Feernröhren un annere astronoomsche Instrumenten maakt. An de Steernwacht vun Paris hett jeedeen vun jem söven Asteroiden opdeckt. In’n November 1885 hebbt se to’n eersten mol fotograafsch den Reflexionsnevel üm de Plejaden opdeckt.

To jemehr Ehren is de 42 km grote Maandkrater Henry Frères nöömt, jüst so as de Marskrater Henry un de Asteroid (1516) Henry.

Weblenken

• Publikatschonen vun P. Henry in dat Astrophysics Data System
• Naroopen op Prosper Henry in dat Astrophysics Data System
• Naroopen op Paul Henry in dat Astrophysics Data System