Puerto Gaitán
Puerto Gaitán ([ˈpweɾto ɣajˈtan]) is de Hööftoort von dat Municipio Puerto Gaitán, Departamento Meta, Kolumbien.
Geografie ännern
De Oort liggt in de Llanos an dat linke Över von’n Río Manacacías, de fiev Kilometer stroomaf in’n Río Meta münnt.
He liggt ganz in’n Westen von dat Municipio Puerto Gaitán.
Historie ännern
De Oort is an’n 11. Februar 1932 grünnt worrn un weer toeerst Deel von dat Municipio Puerto López. Nöömt worrn is he toeerst Majaguillal na’n Boom Heliocarpus americanus, de in düsse Gegend vörkummt. Eerst 1960 hett de Oort sien hüdigen Naam kregen na Jorge Eliécer Gaitán. To’n 1. Januar 1970 is dat Municipio Puerto Gaitán inricht worrn.
Weertschop un Infrastruktur ännern
Verkehr ännern
De wichtigste Straat för Puerto Gaitén is de Ruta Nacional 40, de in’n Westen na Puerto López, Villavicencio un Bogotá föhrt. De Straat löppt mit en Brügg över’n Río Manacacías un denn in’n Oosten wieder na San Pedro de Arimena, La Primavera un Puerto Carreño.
De Oort hett ok en egen lüttjen Flegerplatz.
Koordinaten:4° 19′ N, 72° 5′ W