Bogotá
Bogotá [[bo̞ɰo̞ˈta̠]] (offiziell spaansch Naam: Bogotá, Distrito Capital, kört Bogotá, D.C.) is de Hööftstadt vun dat Land Kolumbien un Verwaltenszentrum vun dat Departamentos Cundinamarca. Mit hör 6,8 Millionen Inwahner in dat eegentliche Stadtebeet up en Flach vun 1.587 km² un 7,9 Millionen in de Agglomeratschoon (Volkstellen 2005) is Bogotá de gröttste städtische Ballungsruum vun Kolumbien un buterdem en vun de an' flinksten wassen Metropolen in Süüdamerika; se stunn 2015 an 39. Stäe in de List vun de gröttst Metropolregionen vun de Welt. De Stadt is in 20 Bezirke updeelt.
| Wapen/Flagg | Koort | |
|---|---|---|
|
|
| |
| Basisdaten | ||
|
Departamento Cundinamarca | ||
| Flach: | 1.578 km² | |
| Inwahners: | 7.743.955 | |
| Inwahnerdicht: | 4.907,4 Inwahners pro km² | |
| Postleettall: | 11 | |
| Vörwahl: | 1 | |
| Geograafsche Laag: | Koordinaten:4° 37′ N, 74° 5′ O4° 37′ N, 74° 5′ O | |
| Grenzen bi OSM: | 1387968 
| |
| Börgermeester: | Carlos Fernando Galán | |
| Websteed: | https://bogota.gov.co/ | |
 | ||
De Grootruum Bogotá bildt den so nömmten Hööftstadtdistrikt (Distrito Capital, afkört D.C.), de direkt de Zentraalregeeren ünnersteiht un dormit en vergliekbaren Sünnerstatus hett as Washington, D.C. in den USA. De Stadt is Verkehrsknütt as ik wichtigst Wertschaps- un Kulturzentrum vun dat Land mit Universitäten, Hoochscholen, Museen un Baudenkmalen.
Naam
ännernDe Naam Bogotá stammt vun dat inheimisch Woort Bacatá af. Dat weer de Naam vun de Hööftstadt vun de Zipa-Konföderatschoon vun de Muisca-Zivilisatschoon. De Gegend, in de hüüd de Stadt liggt, weer ünner de Naam Muequetá bekannt.
Bogotá hett en Völtall vun Naamsännern achter sück:
- So weer de Oort ok as Thybzacá oder Teusacá bekannt. Dorut entstunn de Naam vun den hüdigen Stadtdeel Teusaquillo.
- As Jiménez de Quesada 1538 dor en Militärstüttpunkt grünnen dee, geev he den Oort de Naam Nuestra Señora de la Esperanza.[1]
- Bi de juristischen Grünnen 1539 wurr de Naam ännert un luut nu Santafé oder Santa Fe. De Beteeken Santafé de Bogotá weer tonächst nich bekannt, hett sück aber dörsett, um de Stadt vun de Völtall vun wiederen Santafés to ünnerscheeden. As Bogotá weer wiels de Kolonialtiet de Siedlung Funza bekannt.[1]
- Nah de Unafhängigkeit vun Spanien un Grünne vun de Republiek wurr de Hööftstadt Bogotá nömmt un dat ehmalge Bogotá wurr Funza.[1]
- De 1991 nee maakt Verfaaten vun Kolumbien geev de Stadt weer de offiziellen Naam Santafé de Bogotá.
- Nah en Reform vun de Verfaaten in dat Johr 2000 wurr de Bestanddeel Santafé aber weer streeken un de Naam to Bogotá afkört.
Bekannt Lüüd ut disse Stadt
ännern- Egan Bernal (* 1997), Radrennfohrer
- Juan Manuel Santos (* 1951), Politiker un Freedensnobelpriesdräger
- Guillermo Uribe Holguín (1880-1971), Komponist
Literatur
ännern- Ricardo Adrián Vergara Durán: Programme, Konzepte und Strategien der Wohnungs- und Wohnumfeldverbesserung in Unterschichtsvierteln von Santafé de Bogota/Kolumbien. Tectum Verlag, Marburg 2001, ISBN 3-8288-1089-6
- Stefan Roggenbuck: Strassenkinder in Lateinamerika. Sozialwissenschaftliche Vergleichsstudie: Bogotá (Kolumbien), Sao Paulo (Brasilien) und Lima (Peru). Verlag Peter Lang, 1993, ISBN 3-631-45894-0
- Anna I. Streissler: Jugendliche in Bogota. Brandes & Apsel, 2001, ISBN 3-86099-290-2
- Alberto Vázquez-Figueroa: Bogotá Blanvalet Verlag, München 1991, ISBN 3-7645-7666-9 bzw. Die Kinder von Bogotá. Goldmann, 1995, ISBN 3-442-42807-6
Weblinks
ännern
Enkeld Nahwiesen
ännern- ↑ a b c Archivo de Bogotá: Apuntes de la historia de Bogotá (spaansch)