Punta Ycacos Lagoon

De Punta Ycacos Lagoon is en 13 km² grote Laguun an de Küst von’n Distrikt Toledo von Belize na’n Golf von Honduras.

De Laguun spiest sik ut’n teihn Kilometer langen Freshwater Creek un den 14 Kilometer langen Payne’s Creek. Dat Water is Brackwater un dat Land besteiht ut Sump un Mangrovenholt.

Dat Land üm de Laguun rüm is as Payne’s-Creek-Natschonaalpark schuult un de See vör de Laguun as Deel von de Port Honduras Marine Reserve.

Ehren Naam hett de Laguun von dat Kap Punta Ycacos, dat in’n Süden bi 16° 14′ N, 88° 35′ W liggt.

De nächste Oort is Punta Negra, wat fiev Kilometer in’n Oosten liggt. Na düssen Oort kann een blots per Boot henkamen. Dat gifft keen Straten un ok keen Flegerplatz. De nächste Oort, de an dat Stratennett anbunnen is, is Monkey River Town 15 Kilometer in’n Noordoosten.