Río Blanco (Río Chamelecón, Santa Bárbara)
| Río Blanco | ||
|---|---|---|
| Laag | Santa Bárbara, Honduras | |
| ||
| Stroomsystem | Río Chamelecón | |
| Läng | 31 km | |
| Born | in Pozoma | |
| Koordinaten Born: | 15° 5′ N, 88° 35′ W | |
| Münn | bi Masicales in’n Río Chamelecón | |
| Koordinaten Münn: | Koordinaten:15° 15′ N, 88° 31′ W15° 15′ N, 88° 31′ W | |
| rechte Blangenströöm | Quebrada de Joconal | |
De Río Blanco is en üm un bi 31 Kilometer langen Stroom in dat Departamento Santa Bárbara, Honduras, de von rechts in’n Río Chamelecón münnt.
De Río Blanco billt sik in dat Dörp Pozoma an de Steed, an de de Quebrada Las Naranjas (von Süüdwesten) un de Quebrada del Higal (von Süüdoosten) tohoopfleten doot (gliektiedig Grenz von de Municipios Protección un San Luis). De Quebrada Las Naranjas, de von dat Dörp Las Naranjas bi Protección her kummt, is dor al över teihn Kilometer lang, tohooprekent sünd Quebrada Las Naranjas un Río Blanco also över 40 Kilometer lang. De Río Blanco flütt von Pozoma ut na Noordoosten dör dat Municipio San Luis un nimmt bi Palma Real von rechts de Quebrada de Joconal op. De Stroom flütt an La Unión langs un kummt in dat Municipio Macuelizo. Ölven Kilometer vör de Münn flütt de Stroom bi dat Dörp Río Blanco ut de Bargen rut in dat Quimistán-Daal (Valle de Quimistán). Dor münnt he denn bi dat Dörp Masicales in’n Río Chamelecón. Een Kilometer stroomaf münnt ok de Río Tapalapa un op dat Över güntsiet de Río Chiquila.