Río Cuyamapa
| Río Cuyamapa | ||
|---|---|---|
| Laag | Yoro, Honduras | |
| ||
| Stroomsystem | Río Ulúa | |
| Läng | 88 km | |
| Born | in de Sierra de Sulaco | |
| Münn | bi Terrero Negro in’n Río Comayagua | |
| Koordinaten Münn: | Koordinaten:15° 8′ N, 87° 46′ W15° 8′ N, 87° 46′ W | |
| linke Blangenströöm | Quebrada de Corinto, Quebrada del Gavilán, Quebrada del Agua Blanca, Quebrada del Zapote, Quebrada de Mojimán, Río San Juan | |
| rechte Blangenströöm | Quebrada La Culebra o Tamagas, Quebrada Jute Prieto, Río Chancaya, Río Cataguana, Río de Olomán | |
De Río Cuyamapa is en üm un bi 88 Kilometer langen Stroom in dat Departamento Yoro, Honduras, de von rechts in’n Río Comayagua münnt.
De Born liggt in de Sierra de Sulaco. Von dor flütt he toeerst na Noordoosten un dreiht denn in en Bagen na Noordwesten. He nimmt von rechts de Quebrada La Culebra o Tamagas op un denn bi Subirana vn links de Quebrada de Corinto un bi El Cedrito de Quebrada del Gavilán. Von rechts münnt de Quebrada Jute Prieto un en Stück wieder is de Stroom dör dat Planta Hidroeléctrica Cuyamapa to en lütten Stausee opstaut. Achter’n Stausee nimmt de Río Cuyamapa von links Quebrada del Agua Blanca un Quebrada del Zapote op, dreiht op en Noordoost-Kurs un kummt op dat Rebeed von dat Municipio Morazán. Bi Cuyamapa drippt de Stroom denn op’n Río Chancaya, de von rechts (Oosten) kummt. Hier dreiht de Río Cuyamapa wedder na Noordwesten un flütt över Chililenga na dat Cataguana-Daal (Valle Cataguana). Bi La Cruz nimmt de Stroom von rechts de Quebrada Cojones op, dreiht na Süüdwesten un flütt an Morazán langs. He nimmt von links Quebrada de Mojimán un Río San Juan op un von rechts den Río Cataguana.
Twüschen Cerro de Calix un Cerro Cuesta Vieja brickt de Stroom dör en lütten Högentog, de dat Cataguana-Daal von dat Oloman-Daal (Valle Oloman) trennt un nimmt bi El Negrito von rechts den Río de Olomán op. Dor liggt ok de Grenz twüschen Municipio Morazán un de Municipios El Negrito (op dat rechte Över) un Victoria (op dat linke Över). Bi Cangrejales kummt denn op dat rechte Över dat Municipio Santa Rita.
Bi Terrero Negro münnt de Stroom denn in’n Río Comayagua, de sülvs later in’n Río Ulúa münnt, de sien Water na de Karibische See looswarrt.