Río Jagua (Río Aguán)

Río Jagua
Laag	Yoro, Honduras
Stroomsystem	Río Aguán
Läng	30 km
Born	an’n Cerro las Muñecas
Koordinaten Born:	15° 25′ N, 86° 14′ W
Münn	bi Clifton in’n Río Aguán
Koordinaten Münn:	15° 30′ N, 86° 22′ W
linke Blangenströöm	Río Blanco, Quebrada de Piedras Afilar, Río Maloa

De Río Jagua is en üm un bi 30 Kilometer langen Stroom in dat Municipio Olanchito, Departamento Yoro, Honduras, de von rechts in’n Río Aguán münnt.

De Born liggt an de Westsied von’n Cerro las Muñecas in de Cordillera de La Esperanza un an de Grenz na dat Municipio Sabá (Departamento Colón) un dat Municipio Gualaco (Departamento Olancho). Dat is ok de Waterscheed na’n Río Cuaca in’n Süden un Río Monga in’n Noordoosten. De Stroom heet hier Río Jaguaca un flütt na Noordwesten dör de Montaña de Jaguaca. He nimmt von links den Río Blanco op un hett denn Río Jagua. De Río Jagua kummt kort vör dat Dörp Armenia ut de Bargen rut un in dat Daal von’n Río Aguán (Valle del Aguán). He nimmt von links de Quebrada de Piedras Afilar op un löppt an Armenia langs, wo de Ruta Nacional 23 mit en Brügg över’n Stroom röverföhrt.

Twee Kilometer af von’n Río Jagua op dat linke Över liggt dat Dörp Maloa, wo de Stroom von links den Río Maloa opnimmt. Twee Kilometer af von Campo Nuevo un güntsied dat Dörp Clifton münnt de Stroom denn in’n Río Aguán, de later in de Karibische See flütt.