Río Poxté

Río Poxté
Laag	Departamento Petén, Guatemala
Stroomsystem	Río Usumacinta
Läng	60 km
Born	bi Santo Domingo
Münn	bi Santa Amelia in’n Río San Juan

De Río Poxté is en üm un bi 60 Kilometer langen Stroom in dat Departamento Petén, Guatemala, de in’n Río San Juan münnt.

De Stroom hett sien Born in’n Westen von de Maya-Bargen in dat Municipio Poptún dicht bi Santo Domingo un Boca del Monte un an de CA-13 un flütt von dor na Noordwesten, vörbi an’n Oort Poxté. Kort billt he de Grenz von dat Municipio Poptún na de Municipios Dolores un El Chal, triddt denn aver kumplett op dat Rebeed von dat Municipio El Chal un flütt an Nuevas Delicias vörbi, wo he bilütten na Süüdwesten dreiht. Bi Santa Amelia münnt de Río Poxté in’n Río San Juan. De Río San Juan münnt in’n Río de La Pasión, de an de Grenz na Mexiko mit’n Río Salinas to’n Río Usumacinta tohoopflütt. Düsse Stroom wedder verbinnt sik later mit’n Río Grijalva un de beiden Strööm münnt tohoop in’n Golf von Mexiko.

De Stroom flütt dör en Rebeed, dat fröher maal Oorwoold weer, vondaag aver meist kumplett in Weiden för dat Veh ümwannelt worrn is. In dat Daal von’n Río San Juan sünd en Reeg Funnen ut de Maya-Tied maakt worrn.