Río Yure
| Río Yure | ||
|---|---|---|
| Laag | Honduras | |
| ||
| Stroomsystem | Río Ulúa | |
| Läng | 42 km | |
| Born | an’n Cerro Azul Meámbar | |
| Koordinaten Born: | 14° 49′ N, 87° 53′ W | |
| Münn | bi Terreritos in’n Río Humuya | |
| Koordinaten Münn: | Koordinaten:14° 59′ N, 87° 44′ W14° 59′ N, 87° 44′ W | |
| linke Blangenströöm | Quebrada Agua Amarilla | |
| rechte Blangenströöm | Quebrada del Cerro, Quebrada de Bartolo | |
De Río Yure is en üm un bi 42 Kilometer langen Stroom in Honduras, de von links in’n Río Humuya münnt.
De Stroom hett sien Born an de Noordwest-Sied von’n Cerro Azul Meámbar in dat Departamento Comayagua op över 1500 Meter över de See. Von dor flütt he na Noordwesten un kummt na fiev Kilometer al över de Grenz in dat Departamento Cortés. Dor flütt he dör dat Dörp San Antonio de Yure un in de Laguna Yure, wat en Stausee is. In düssen Stausee münnt von rechts ok de Quebrada del Cerro. De Stausee gifft över en künstlichen Afloop in’n Westen Water an’n Yojoa-See af, aver de natürliche Afloop is in’n Noordoosten. De Río Yure flütt nu ok na Noordoosten un kummt dör Bartolo, wo he von links de Quebrada Agua Amarilla opnimmt un von rechts de Quebrada de Bartolo. Achter dat Dörp Las Delicias un bi dat Dörp Canchías nimmt he von rechts den Río Canchías op. Von hier bet na de Münn billt de Río Yure nu de Grenz von dat Departamento Cortés na dat Departamento Comayagua. Gröttere Öörd gifft dat op de letzten 18 Kilometer nich mehr.
Toletzt münnt de Río Yure bi dat Dörp Terreritos in’n Río Humuya, de hier to en Stausee (El-Cajón-Staudamm) opstaut is. Dat Water flütt wieder över’n Río Ulúa in de Karibische See.