Róbert Tibenský
Róbert Tibenský (* 16. August 1960 in Bratislava; † 29. Mai 2015 ok dor) weer en slowaaksch Schachmeester un -trainer.
Leven
ännernTibenský kreeg 1988 vun de FIDE den Titel Internatschonaler Meester tospraaken.
Tibenský hett wunnen oder belegg vördere Plätze in völ Turnieren: 3. Platz bi dat Tirnavia-B-Turnier in Trnava (1979), 2.–3. Platz bi dat Tirnavia-B-Turnier in Trnava (1985), 3.–5. Platz bi den Tatra Cup in Starý Smokovec (1985), 1. Platz bi dat Slovan open in Bratislava (1989), 1. Platz bi dat IM-Turnier in Píla (1992), 1. Platz bi dat IM-Turnier in Šaľa (1993), 2.–5. Platz bi dat Slovan open in Bratislava (1994), 1. Platz bi dat Siemens-Turnier in Linz (1996), 3.–6. Platz bi dat Open in Komárno (1997), 3.–4. Platz bi dat Slovan open in Bratislava (1998), 1. Platz bi den Mipap Cup in Olmütz (1999), 1. Platz bi dat Open in Hlohovec (2000), 1. Platz bi den Voloz Cup in Olmütz (2000), 1. Platz bi den Princenet Cup in Olmütz (2001), 2. Platz bi den Proclient Cup in Olmütz (2002), 1. Platz bi den Inline Czechia Cup in Olmütz (2003), 1. Platz bi dat IM-Turnier in Prešov (2004), 2. Platz bi den Voloz Cup in Olmütz (2004), 2. Platz bi den Proclient Cup in Olmütz (2006), 2. Platz bi den Proclient Cup in Olmütz (2007), 1.–3. Platz bi dat IM-Turnier in Sisak (2008) un 2. Platz bi dat IM-C-Turnier in Olmütz (2009).[1]
Tibenský hett söss Mal de slowaaksch Eenzelmeesterschap wunnen, dorvan dreemal nahnanner: 1983 in Nová Baňa, 1987 in Šaľa, 1994 in Topoľčianky, 1995 in Trenčín, un 1996 in Martin. Dat broch hüm fief offizielle Titel in, eenmal weer he blots inoffziell slowaaksch Meester. He wunn 2006 dat Meesteropen in Banská Štiavnica, de offiziell Meester wurr aber in en slooten GM-Turnier bestimmt, dat vun Tomáš Petrík wunnen wurr.
Tibenský sien letzt Elo-Tall bedroog 2391, in‘n Juli 2002 reck he sien hööchste Elo-Tall vun 2467.
Tibenský gull as de best Jöögdtrainer vun de Slowakei, to sien Schölern hemm de Grootmeester Ján Markoš un Milan Pacher as ok de Internatschonalen Meester Peter Vavrák un Michal Meszároš hörrt.
Natschonalmannschap
ännernTibenský nehm mit de slowaaksch Natschonalmannschap an de Schacholympiaden 1994 un 1996 deel.[2]
Vereen
ännernIn de slowaaksch Extraliga speel Tibenský in de Saison 1992/93 för den Meester ELAI Bratislava, van 1993 bit 1999 för den ŠK Slovan Bratislava, mit den he 1996 un 1999 slowaaksch Mannschapsmeester wurr un ok dreemal an den European Club Cup deelnommen hett[3], van 1999 bit 2001 un nochmals van 2002 bit 2004 för den ŠK Softip Rajecké Teplice, in de Saison 2001/02 för den ŠK Dunaj Bratislava, van 2004 bit 2008 un nochmals in de Saison 2013/14 för den ŠK Liptov, mit den he 2005 Meester wurr, van 2008 bit 2013 för den ŠK Trenčín un in de Saison 2014/15 för den TJ INBEST Dunajov.[4] In de tschechisch Extraliga speel he van 1996 bit 1999 för den ŠK Sokol Kolín, van 1999 bit 2001 un in de Saison 2002/03 för den ŠK Infinity Pardubice, mit den he 2000 tschechisch Mannschapsmeester wurr un an den European Club Cup 2000 deelnommen hett[3], in de Saison 2001/02 un van 2003 bit 2005 för den ŠK Ingem Plzeň ZČE un in de Saison 2005/06 för A64 Hagemann Opava.[5] In de öösterrieksch Bundsliga speel he in de Saison 2004/05 för den SK Donau Schach Mattes.
Weblinks
ännernEnkeld Nahwiesen
ännern- ↑ ChessBase Megabase 2010
- ↑ Róbert Tibenský sien Ergevnisse bi Schacholympiaden up olimpbase.org (engelsch)
- ↑ a b Róbert Tibenský sien Ergevnisse bi European Club Cups up olimpbase.org (engelsch)
- ↑ Róbert Tibenský sien Ergevnisse in de slowaaksch Extraliga up olimpbase.org (engelsch)
- ↑ Róbert Tibenský sien Ergevnisse in de tschechisch Extraliga up olimpbase.org (engelsch)