Radbrooksforst
Radbrooksforst (hoochdüütsch Radbruchsforst) weer en lütten Oort bi Radbrook. Dat Rebeed höört vondaag to de Gemeen Radbrook (Samtgemeen Bewick) in’n Landkreis Lümborg, Neddersassen.
Bi’n Radbrooksforst hett ok dat Huus Habichtshorst mit tohöört. Habichtshorst weer en Forsthuus un de Hüüs von Radbrooksforst weren Bahnwärterhüüs an de Bahnlien Bookholt–Lümborg.
Geografie
ännernDe Oort leeg in de Lümbörger Heid. Dat Water ut dat Rebeed is över lüttjere Waterlööp na’n Huusbeek hen aflopen.
De Öörd ümto sünd Radbrook in’n Noordoosten, Mechtsen un Dachmessen in’n Süüdoosten, Westergellsen in’n Süden, Veerhöben in’n Süüdwesten un Beborg un Luhdörp in’n Noordwesten.
Historie
ännernDe Hüüs von Radbrooksforst sünd eerst in de Tied üm 1870 boot worrn sünd, as de Bahnlien Bookholt–Lümborg inricht worrn is. In dat 20. Johrhunnert sünd de Hüüs aver all opgeven worrn.
Verwaltungsgeschicht
ännernDe Oort hett vör 1885 to de Amtsvaagdie Bewick von dat Amt Winsen tohöört. Na 1885 weer dat in’n Kreis Winsen.
Radbrooksforst hett fröher en egen Gemeen un later en Forstbezirk billt. 1928/1929 is dat denn aver Deel von de Gemeen Radbrook worrn.
Inwahnertall
ännern| Johr | Inwahners |
|---|---|
| 1. Dezember 1871[1] | 13 Lüüd, 4 Hüüs |
| 1. Dezember 1885[2] | 39 Lüüd, 5 Hüüs |
| 1. Dezember 1905[3] | 28 Lüüd, 5 Hüüs |
| 1. Dezember 1910[4] | 23 |
Religion
ännernRadbrooksforst weer evangeelsch-luthersch präägt un hett to dat Kaspel von de Marienkark in Winsen höört.
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 141
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
- ↑ Inwahnertallen op gemeindeverzeichnis.de
Koordinaten:53° 17′ N, 10° 14′ O