Raik Dittrich
Raik Jürgen Dittrich (* 12. Oktober 1968 in Sebnitz) is en ehmalger düütsch Biathlet.
Raik Dittrich fung sien internatschonale Karriere för de DDR an. Sien Vereen weer de SG Dynamo Zinnwald un he wurr vun Heinz Kluge, Horst Koschka, Klaus Siebert un Steffen Thierfelder traineert. Bi de Biathlon-Weltmeesterschapen 1989 in Feistritz an der Drau wunn he gemeensam mit Andreas Heymann, André Sehmisch un Steffen Hoos de Bronzemedaille in' Teamwettbewarf. Sien Karrierehööchtpunkt harr he 1990, as he mit Mark Kirchner, Birk Anders un Frank Luck bi de Weltmeesterschapen de Goldmedaille in' Mannschapswettbewarf wunn.
Nach sien aktiv Tiet weer Dittrich van 1992 bit 1998 Skitechniker bi den DSV, tonächst in' Biathlon un later ok verantwortlich för de Nordische Kombinatschoon. Nah den Afsluus vun sien Bedrievswertschapsstudium hett he tonächst as Produktmanager un Verkoopsbaas Düütschland för en düütschen Skiwachshersteller arbeit. Van 2003 bit 2008 weer he dor as Prokurist un as Geschäftsberieksleiter Skiwachs tätig. Siet Oktober 2008 is he General Manager vun en norweegsch Ünnernehmen.