Ralf Göthel

Ralf Göthel (* 1962) is en ehmalger düütsch Biathlet.

Ralf Göthel is för den Vereen Dynamo Zinnwald antreeden. He wunn 1981 in Lahti bi de Juniorenweltmeesterschapen mit Frank-Peter Roetsch un Steffen Lindau den Titel in dat Staffelrennen, wat he 1982 in Minsk mit Rötsch un Holger Wick noch mal schafft hett. Todem wunn he in de beid Johren den Titel in‘ Sprint un 1981 Bronze as ok 1982 Sülver in dat Eenzelrennen. Natschonal wunn he 1983 sien eersten Titel mit de Staffel. 1984 bit 1986 kunn he dissen Erfolg noch mal halen. 1987 reckt dat to Staffelbronze. 1985 wurr he todem achter Roetsch Viezmeester in‘ Eenzel. Dat weer todem ok dat internatschonalspoodriekste Johr för Göthel. Bi de Biathlon-Weltmeesterschapen 1985 in Ruhpolding wunn he mit André Sehmisch, Matthias Jacob un Frank-Peter Roetsch achter de Staffel vun de Sowjetunion de Sülvermedaille. In dat Eenzel verpass he as Veertplatzeerter (achter Juri Kaschkarow, Frank-Peter Roetsch un Tapio Piipponen) knapp en wiedere Medaille.

1986 wurr Ralf Göthel mit den Vaterländischen Verdienstorden in Bronze uttekent.

Weblenken

• [1]
• Göthel bi the-sports.org
• List vun de DDR-Staffelmeester