Matthias Jacob (* 2. April 1960 in Tambach-Dietharz) is en ehmalger düütsch Biathlet.

Matthias Jacob un Holger Wick bi de DDR-Meesterschapen in‘ Biathlon 1984 in Oberhof, nahdem beid gemeensam den Titel in dat 20-Kilometer-Rennen wunnen hemm

De för den ASK Vorwärts Oberhof starten Jacob tell in de 1980er Johren to de eerste Reeg in de Biathlonmannschap vun de DDR. Bi de Olympisch Winterspelen 1984 in Sarajevo wunn he de Bronzemedaille in‘ Sprintwettbewarf achter Eirik Kvalfoss un Peter Angerer.

He hett an söss Biathlonweltmeesterschapen deelnommen un kunn bi jeder mindst een Medaille recken. He wurr dreemal Weltmeester mit de Staffel (1981, 1982 un 1987), eenmal Viezweltmeester in‘ Sprint (1987 achter Frank-Peter Roetsch aber vör André Sehmisch) un dreemal Viezweltmeester mit de Staffel (1983, 1985 un 1986). Dorneben weer he bi Weltcups un en Reeg vun natschonal Meesterschapen spoodriek.

1986 wurr he för sien sportlich Erfolge mit den Vaterländischen Verdienstorden in Sülver uttekent.[1]

Gemeensam mit sien Fru Carola Jacob (as Carola Anding wurr se 1980 Langloopolympiasiegerin in de 4×5 km Staffel) bedrifft he in sien Wahnoort Floh-Seligenthal en Praxis för Sport-Physiotherapie. He is för de düütsch Skilangloopmannschap as Betrüer un Physiotherapeut tätig.

För de Staatssekerheit vun de DDR weer he ünner de Decknaam „IM Martin Müller“ as Inoffizieller Mitarbeiter tätig.[2]

Weblenken ännern

  Matthias Jacob. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Neues Deutschland, 15. Oktober 1986, S. 7
  2. Biathlon-WM Im Griff der Stasi, Der Spiegel, 2. Februar 2004