De Ramm is en lütten Stroom oder Beek in Noordneddersassen.

Ramm
Laag Neddersassen
Stroomsystem Elv
Läng 17,51 km
Afströömrebeed 111[1] km²
Born bi Remnoh (op 36 m över NN)
Münn westen vun Zittens in de Oost (op 31 m över NN)
Waterkenntall DE: 59812
rechte Blangenströöm Au
De Ramm twüschen Woonst un Ramshuus

De Born vun den Beek liggt in den Oort Remnoh in de Gemeen Sounsiek (Landkreis Stood) in de Wischen dicht bi de L 127. Na 17,51 km[2] münnt de Ramm twüschen Groot Meckels un Zittens (Landkreis Rodenborg (Wümm)) in de Oost, wat sülvst en Nevenstroom vun de Elv is.

Verloop ännern

De Ramm verlöpt gröttstendeels dör Wischen, Feller un Wooldrebeden, wobi se de nafolgend Öörd dörlopen deit:
Born bi RemnohWiegersenLütt WoonstRamshuusNüddel — Münn in de Oost bi Groot Meckels / Zittens. De Verloop vun de Ramm is to’n gröttsten Deel begraadigt worrn. Strukturen, de noch meist natürlich sünd, gifft dat sünners noch in’n Böverloop in Rebeet vun’n Wiegersener Woold.

Borns ännern

  1. Michael Bergemann: Gesamtliste der Fließgewässer im Elbeeinzugsgebiet. 2012
  2. PDF, NLWK Schriftenreeg, Band 6

Weblenken ännern

  Ramm (Stroom). Mehr Biller, Videos oder Audiodateien to’t Thema gifft dat bi Wikimedia Commons.