Rebecca De Mornay

Rebecca De Mornay (* as Rebecca Jane Pearch 29. August 1959 in Santa Rosa, Kalifornien) is en US-amerikaansche Schauspelersche, Speelbaas’sche un Filmproduzentin.

Leven

De Mornay is de jüngste Dochter vun den Feernsehtalkmeester Wally George un sien Fro Julie. De beiden hebbt sik scheden laten, un Rebecca is vun ehrn Steefvadder Richard De Mornay adopteert worrn. Man de is doodbleven, as de Deern fief Johr oolt weer. De Mudder is mit ehr Dochter un den jüngeren Broder in en VW-Bus dör de Welt reist. Se kemen dorbi dör Mexiko, Jamaika un Europa. Söss Johr lang hett se in Öösterriek leevt, woneem Rebecca 1978 ehr Matura aflegt hett. Dorför is se blots af un to mol na School gahn. Ünner annern hett se twee Johr lang dat beropene Internat Summerhill in England besöcht. Blangento hett se lehrt Gitarr to spelen un wull en Loopbahn in de Rockmusik maken. Mit 20 Johren füng se in Kalifornien mit en Schauspeelutbilln an. In’n Verloop dorvun hett se ok dat Lee Strasberg Theatre Institute in New York besöcht. In de Studios hett se blangento jobbt un hett doröver vun Francis Coppola ehr eerste lütte Rull in One from the Heart kregen. Internatschonal bekannt worrn is De Mornay 1992 mit ehr Hööftrull as psychopathische Kinnermaagd in The Hand That Rocks the Cradle. Se snackt goot Engelsch, Franzöösch un Düütsch.

De Mornay hett ünner annern wat mit Tom Cruise un mit Leonard Cohen hett, hett aver denn 1990 den Schriever Bruce Wagner heiraat. De Eh is aver da Johr dorop wedder scheedt worrn. Ehr tweet Eh mit den Sportreporter Patrick O’Neal hett vun 1995 bit 2002 anduert. Ut disse Eh hett se twee Kinner.

Filmrullen (Utwahl)

Johr	Titel	Synchroonsnacker
1982	One from the Heart dt.: Einer mit Herz
1983	Risky Business dt.: Lockere Geschäfte	Madeleine Stolze
1983	Testament dt.: Das letzte Testament
1985	The Slugger’s Wife dt.: Die Frau des Profis
1985	Runaway Train dt.: Express in die Hölle	Evelyn Maron
1985	A Trip to Bountiful dt.: A Trip to Bountiful – Reise ins Glück
1987	Beauty and the Beast dt.: Die Schöne und Das Biest	Gabriele Schramm-Philipp
1988	And God Created Woman dt.: Adams kesse Rippe	Rebecca Völz
1988	Feds dt.: FBI Academy	Rebecca Völz
1989	Dealers dt.: Big Busine$$
1991	An Inconvenient Woman, Feernsehn dt.: Späte Leidenschaft	Daniela Hoffmann
1991	Backdraft dt.: Backdraft – Männer, die durchs Feuer gehen	Traudel Haas
1992	The Hand That Rocks the Cradle dt.: Die Hand an der Wiege	Marina Krogull
1993	Guilty as Sin dt.: Jenseits der Unschuld	Katja Nottke
1993	The Three Musketeers dt.: Die drei Musketiere	Simone Brahmann
1995	Never Talk to Strangers dt.: Spiel mit dem Feuer
1996	The Winner dt.: Heiße Nächte in Las Vegas	Simone Brahmann
1997	The Shining, Feernseh-Mininreeg dt.: Shining	Marina Krogull
1998	Thick as Thieves dt.: The Last Bandit	Martina Treger
1999	Night Ride Home, Feernsehn dt.: Das Herz einer Familie
1999	A Table for One dt.: Verführerische Falle
2000	The Right Temptation
2000	Range of Mation, Feernsehn dt.: Komm zurück ins Leben
2001	A Girl Thing, Feernsehn dt.: Girls in the City
2003	Identity dt.: Identität – Identity	Martina Treger
2004	Raise Your Voice dt.: Raise Your Voice – Lebe deinen Traum	Elisabeth Günther
2005	Lords of Dogtown dt.: Dogtown Boys	Katrin Zimmermann
2005	Wedding Crashers dt.: Die Hochzeits-Crasher	Sabine Arnhold
2007	American Venus
2007	John from Cincinnati, Feernsehreeg
2010	Mother’s Day dt.: Mother’s Day – Mutter ist wieder da	Daniela Hoffmann
2012	Apartment 1303 3D dt.: Apartment 1303 - Wohnst du noch oder stirbst du schon?	Christin Marquitan
2016	I Am Wrath dt.: Rage – Tage der Vergeltung
2017	Collar

Utteken

Rbecca De Mornay hett för ehr Filmwark bit hüüt (Januar 2010) twee Filmpriesen wunnen un weer wietere dreemol nomineert. Uttekent worrn is se:

1992: mit den MTV Movie Award in de Kategorie Beste Böse för The Hand That Rocks the Cradle.
1992: op dat Cognac Festival du Film Policier in de Kategorie Best Schauspelersche för The Hand That Rocks the Cradle.

Borns

Weblenken

Rebecca De Mornay in de Internet Movie Database (engelsch)