Recado rojo

Recado rojo is en Krüdereemix, de vör allen in de Köök von’n Süüdoosten von Mexiko (ünner annern Yucatán un Oaxaca), Guatemala un Belize begäng is.

Todaten to en Recado rojo

Dor höört Annatto, Oregano, Kööm, Nelkenköpp, Kaneel, Swarten Peper, Piment, Knuuvlook un Solt rin. Dat Annatto gifft dat ganze en rode Klöör.

Mit Recado rojo warrt to’n Bispeel Fleesch krüdert oder tohoop mit Zitronensaft, Water, Ööl oder Suur warrt dor en Marinaad för dat Fleesch von maakt.

Recado rojo warrt aver ok to Deeg ut Maismehl togeven, üm den Deeg rode Klöör un Smack to geven un dor Empanadas oder Tamales von to maken.